گوگل نیوز پر ہمیں فالو کریںلاہور کی سیشن کورٹ نے ٹک ٹاکر عائشہ جٹ سے مبینہ زیادتی کے انتہائی حساس اور ہائی پروفائل کیس میں بڑا قانونی موڑ لیتے ہوئے رجب بٹ سمیت تمام نامزد ملزمان کو فردِ جرم عائد کرنے کے لیے طلب کر لیا ہے۔ عدالتی کارروائی کے دوران قانون کا شکنجہ مزید کستا دکھائی دیا جب تمام ملزمان عدالت میں ذاتِ خود پیش ہوئے اور اپنی حاضری یقینی بنائی۔
ایڈیشنل سیشن جج ظفر یاب چدھڑ نے ملزمان کے خلاف دائر کردہ استغاثہ پر باضابطہ سماعت کی۔ اس اہم عدالتی مرحلے پر ملزمان کی قانونی معاونت کیلئے نامور وکیل میاں علی اشفاق عدالت کے روبرو پیش ہوئے اور اپنے دلائل سے آگاہ کیا۔
رجب بٹ سمیت 5ملزمان لاہور کی سیشن عدالت میں پیش ، عدالت کا ملزمان پر 29اگست کو فرد جرم عاید کرنے کا فیصلہ، ملزمان کی جانب سے میاں علی اشفاق پیش ہوئے ، ملزمان کے خلاف عائشہ جٹ ٹک ٹاکر نے مبینہ زیادتی کا مقدمہ جواب ٹاؤن تھانہ مین درج کروایا تھا جہاں پولیس نے انہیں بے گناہ قرار… pic.twitter.com/spnQ51vjIR
— Muhammad Ashfaq (@m__ashfaq) August 18, 2026
تمام پہلوؤں کا جائزہ لینے کے بعد عدالت نے آئندہ تاریخِ سماعت پر رجب بٹ سمیت دیگر ملزمان پر فردِ جرم عائد کرنے کا فیصلہ کرتے ہوئے کیس کی کارروائی 29 اگست تک کے لیے ملتوی کر دی ہے۔
واضح رہے کہ ملزمان کے خلاف یہ سنگین مقدمہ لاہور کے تھانہ نواب ٹاؤن میں درج کیا گیا تھا جس کی قانونی جنگ اب فیصلہ کن مرحلے میں داخل ہو چکی ہے۔
