گوگل نیوز پر ہمیں فالو کریںبلوچستان کے دارالحکومت کوئٹہ کے علاقے نواں کلی کے قریب پاک فوج کا مشاق تربیتی طیارہ حادثے کا شکار ہو کر تباہ ہوگیا جس کے نتیجے میں طیارے میں سوار دونوں پائلٹس شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق یہ حادثہ 12 اکتوبر 2026 کو دوپہر کے وقت پیش آیا جب پاکستان آرمی ایوی ایشن کا مشاق تربیتی طیارہ معمول کی تربیتی سرگرمیوں کے دوران نواں کلی کے قریب گر کر تباہ ہوگیا۔
آئی ایس پی آر کے بیان میں بتایا گیا ہے کہ طیارے کو تکنیکی خرابی کے باعث حادثہ پیش آیا۔ حادثے میں شہید ہونے والے دونوں افسران کی شناخت انسٹرکٹر پائلٹ میجر حسنین شہزاد ہمایوں اور زیرِ تربیت پائلٹ کیپٹن عبدالصمد کے ناموں سے ہوئی ہے۔
پاک فوج کے شعبۂ تعلقات عامہ نے دونوں افسران کی شہادت کی تصدیق کرتے ہوئے واقعے پر افسوس کا اظہار کیا ہے۔
حادثے کے نتیجے میں دو قیمتی جانوں کے ضیاع پر افسوس کا اظہار کیا جا رہا ہے۔ واقعے سے متعلق مزید تفصیلات سامنے آنے پر صورتِ حال واضح ہونے کی توقع ہے۔
