گوگل نیوز پر ہمیں فالو کریںوزیراعظم عمران خان سے عمان کی پارلیمنٹ کے وفدنے ملاقات کی جس میں میں مقبوضہ کشمیر سمیت دو طرفہ تجارتی تعلقات سمیت مختلف موضوعات پر گفتگو کی گئی۔
عمانی وفد کی قیادت مجلس شوریٰ کے چیئرمین شیخ خالد بن ہلال نے کی، وزیر اعظم نے وفد کو مقبوضہ کشمیر میں بھارتی جارحیت سے آگاہ کیا، بھارتی فورسز کی جانب سے نہتے کشمیریوں پر ڈھائے جانے والے مظالم پر بھی بات چیت ہوئی۔ وزیراعظم کاکہناتھا کہ غاصب بھارتی فورسز معصوم کشمیریوں کو بدترین مظالم کا نشانہ بنا رہی ہیں،عمانی وفد نے مقبوضہ کشمیر کی صورتحال پر تشویش کا اظہار کیا۔
The Prime Minister apprised the visiting delegation about the plight of Kashmiris in Indian Occupied Kashmir and the atrocities being committed against the innocent Kashmiri Muslims by the Indian forces. pic.twitter.com/MMWJmVu2Yd
— Govt of Pakistan (@pid_gov) September 5, 2019
دونوں ممالک کے وفود کے درمیان باہمی تعلقات اور تجارت کے فروغ پر بھی بات چیت ہوئی جبکہ مختلف شعبہ جات میں دو طرفہ تعاون بڑھانے پر بھی اتفاق ہوا۔
اس سےقبل عُمان کے وفد نے صدر عارف علوی سے بھی ملاقات کی تھی۔اس موقع پر صدر عارف علوی کاکہناتھا کہ بھارت کے نیوکلئیر ہتھیار فاشسٹ قیادت کے ہاتھوں میں ہیں جس سے دنیا کے امن کو خطرہ ہے۔ پاکستان نے مقبوضہ جموں و کشمیر میں بھارتی اقدامات کو مسترد کر دیا ہے،بھارتی اقدامات اقوام متحدہ کی قراردادوں کے خلاف ہیں ، عالمی برادری کو کشمیریوں کو حق خودارادیت دلانے کے لیے کردار ادا کرنا ہوگا۔
