گوگل نیوز پر ہمیں فالو کریںلاہور: پاکستان کا دوسرا بڑا شہر لاہور جو 11ملین سے زیادہ آبادی پر مشتمل ہے ایئر کوالٹی انڈیکس (AQI) پر دنیا کے دس آلودہ ترین شہروں میں پہلے نمبر پر ہے۔
تفصیلات کے مطابق پاکستان کا دوسرا بڑا شہر لاہور ایک بار پھر دنیا کے آلودہ ترین شہروں کی یومیہ درجہ بندی میں سرفہرست آ گیا ہے، جس کے باعث حکام ماحولیاتی بحران سے نمٹنے کے لیے اقدامات کررہے ہیں۔
لاہور کی اوسط ایئر کوالٹی انڈیکس ویلیو 264 تھی جب کہ کراچی فہرست شہروں میں تیسرے نمبر پر رہا۔
انڈیکس پر سب سے زیادہ ریڈنگ لاہور کے گڑھی شاہو ایریا میں ریکارڈ کی گئی جبکہ گلبرگ میں ریڈنگ 379 رہی۔ کینال روڈ ایریا کا ایئر کوالٹی انڈیکس 419 رہا۔
واضح رہے کہ 150 اور 200 کے درمیان اے کیو آئی ریڈنگ کو غیر صحت بخش سمجھا جاتا ہے، 201 سے 300 کے درمیان زیادہ خطرناک اور 300 سے زیادہ والے انتہائی خطرناک ہوتے ہیں۔
مزید پڑھیں:بلوچستان میں سندھ کے ماہی گیروں پر تشدد بند کیا جائے، پاک مسلم الائنس
AQI کا حساب آلودگی کی پانچ اقسام پر مبنی ہے: زمینی سطح کا اوزون، پارٹکیولیٹ مادہ، کاربن مونو آکسائیڈ، سلفر ڈائی آکسائیڈ، اور نائٹروجن ڈائی آکسائیڈ۔
