لاہور : آئی سی سی ویمنز ٹی ٹوئنٹی ورلڈ کپ کے لیے 15 رکنی پاکستانی ٹیم کا اعلان کردیا گیا، سابق کپتان اور سینئر کھلاڑی ثنا میر کو ٹیم سے ڈراپ کردیا گیا۔
قومی ویمن کرکٹ ٹیم کی چیف سلیکٹر عروج ممتاز نے کپتان بسمعہ معروف کے ہمراہ قذافی اسٹیڈیم میں پریس کانفرنس کرتے ہوئے15 رکنی قومی ٹیم کا اعلان کیا اور پاکستان کیلئے متعدد ایوارڈ جیتنےوالی سابق کپتان ثناء میرکو ڈراپ کردیاگیا۔
پاکستان ویمنز کرکٹ ٹیم کی کپتان بسمعہ معروف کا کہناتھا کہ ورلڈکپ کے لیے جونیئر اور سینئرز پر مشتمل متوازن اسکواڈ منتخب کیا گیا ہے، تجربے کا کوئی نعم البدل نہیں، بلاشبہ ثنا میرتجربہ کار پلیئرز ہیں، تاہم منتخب اسکواڈ میں بھی ٹیلنٹ کی کمی نہیں۔
بسمعہ معروف نے کہا کہ گزشتہ 2 برسوں میں پاکستانی ٹیم کی کارکردگی میں نمایاں بہتری آئی ہے، مثبت ذہن کے ساتھ ورلڈ کپ میں شریک ہوں گے اورعالمی کپ جیتنے کی کوشش کریں گے، ، جونیئراور سینئر کھلاڑیوں پر مشتمل ٹیم ورلڈ کپ کے دوران بہترین کارکردگی دکھانے کی صلاحیت رکھتی ہیں۔
Pakistan squad for ICC Women’s T20 World Cup announced.#BackOurGirls pic.twitter.com/NfETHilJUA
— Pakistan Cricket (@TheRealPCB) January 20, 2020
قومی کپتان کا کہنا تھا کہ جنوبی افریقہ سمیت اپنے پول میں شامل ٹیموں کو بھی ہرا چکے ہیں، ورلڈ کپ کے دوران بھی ان ٹیموں کو زیر کرنے میں کامیاب رہیں گے۔
ان کاکہنا تھا کہ ورلڈکپ میں شریک ہر ٹیم جیت کے لیے جائے گی ہم بھی ورلڈ کپ میں جیت کا عزم لیے آسٹریلیا جائیں گے اور میگا ایونٹ جیتنے کی پوری کوشش کریں گے۔
ایونٹ میں پندرہ رکنی قومی ٹیم بسمعہ معروف کریں گی، دیگر کھلاڑیوں میں ایمن انور، عالیہ ریاض، انعم امین، عائشہ نسیم، ڈیانا بیگ، فاطمہ ثناء، ارم جاوید جویریہ ودود، منیبہ علی، ندا ڈار، عمیمہ سہیل، سعدیہ اقبال، سدرہ نواز اور سیدہ عروب شاہ شامل ہیں۔
یہ بھی پڑھیں: پاکستان میں پی ایس ایل فائیو کے میچز کیلئے ٹکٹس کی فروخت کا آغاز