گوگل نیوز پر ہمیں فالو کریںپاکستانی شوبز انڈسٹری کے معروف اداکار حمزہ علی عباسی اور اہلیہ نیمل خاور نے سیر و سیاحت کے خوبصورت لمحات کی تصاویر سوشل میڈیا پر ڈال کر خوشی کا اظہار کیا ہے۔
تفصیلات کے مطابق حال ہی میں اداکارہ نیمل خاور نے اپنے شوہر حمزہ علی عباسی کے ساتھ سوشل میڈیا پر تصاویر شیئر کیں اور خوشی کا اظہار کیا، جس پر سوشل میڈیا صارفین نے فنکار جوڑے کو خراجِ تحسین پیش کیا۔
فوٹو شیئرنگ پلیٹ فارم انسٹا گرام پر نیمل خاور نے حمزہ علی عباسی کی تصویر شیئر کرتے ہوئے خوشی کا اظہار کیا جبکہ ایک اور تصویر میں نیمل خاور خوبصورت پہاڑ کے سامنے بیٹھی مسکراتی نظر آئیں۔
فنکار جوڑا آج کل سیر سپاٹوں میں مصروف ہے جبکہ نیمل خاور اور حمزہ علی عباسی کو مختلف تصاویر میں شمالی علاقہ جات میں گھومتے پھرتے دیکھا جاسکتا ہے۔ تصاویر دیکھ کر سوشل میڈیا صارفین نے بھی مسرت کا اظہار کیا۔
View this post on Instagram
نیمل خاور کی طرح حمزہ علی عباسی نے بھی ایک طویل عرصے کے بعد اپنے انسٹاگرام اکاؤنٹ کے ذریعے اپنی ایک تصویر شیئر کی، جس پر سوشل میڈیا صارفین نے حیرت سے سوال کیا کہ کہیں یہ تصویر غلطی سے تو پوسٹ نہیں کردی؟
View this post on Instagram
بعض سوشل میڈیا صارفین نے حمزہ علی عباسی کو عالمِ دین کا درجہ دے ڈالا اور ان سے شرعی سوالات پوچھنے لگے۔ ایک مداح نے سوال کیا کہ میں نے سنا ہے کہ جنت میں لوگوں کو ان کے اعمال کے حساب سے درجے عطا کیے جائیں گے۔
مداح نے پوچھا کہ جنت میں جو شخص نچلے درجے کا ہوگا، وہ تو ضرور چاہے گا کہ اسے اوپر کا درجہ دیا جائے۔ تو کیا اس سے بغض، کینہ اور بے سکونی جنم نہیں لے گی؟ تاہم حمزہ علی عباسی کی طرف سے سوال کا جواب تاحال سامنے نہیں آیا۔
یہ بھی پڑھیں: سوشل میڈیا پر اداکارہ سجل علی کے ہاں ننھے مہمان کی آمد کے چرچے
