گوگل نیوز پر ہمیں فالو کریںسابق وفاقی وزیر ریلوے و مسلم لیگ (ن) رہنما خواجہ سعد رفیق نے قومی احتساب بیورو (نیب) کے صدارتی ترمیمی آرڈیننس پر تنقید کرتے ہوئے کہا ہے کہ یہ آرڈیننس تحریکِ انصاف کے ڈونرز کو بچانے کی سازش ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیر ریلوے خواجہ سعد رفیق نے کہا کہ نیب ترمیمی آرڈیننس کے ذریعے بڑے ٹیکس چوروں کو بچانے کی سازش ہو رہی ہے جبکہ بیوروکریسی کو لالی پاپ دے کر بہلایا گیا۔
پاکستان مسلم لیگ (ن) کے سینئر رہنما خواجہ سعد رفیق نے کہا کہ قومی احتساب بیورو آرڈیننس نیب اسیران کی بی کلاس کو سی کلاس میں تبدیل کرنے کے لیے لایا گیا۔
سینئر رہنماخواجہ سعد رفیق نے الزام لگایا کہ نیب آرڈیننس کے ذریعے پی ٹی آئی حکومت سیاسی مخالفین کے خلاف سازش میں مصروف ہے جس کے ذریعے موجودہ و آئندہ گرفتار رہنماؤں کو مزید رگڑا دیا جائے گا۔
نیب ترمیمی صدارتی آرڈی نینس پی ٹی آئ کے ڈونرز بڑے ٹیکس چوروں کو بچانے کی سازش ھے،
بیوروکریسی کو لالی پاپ دے کر بہلایا گیا
نیب اسیران کیBکلاس کوCکلاس میں تبدیل کرنےکیلئےنیب آرڈینینس جیلوں میں مقید اورآئندہ گرفتار ھونے والےسیاسی مخالفین کو مزید رگڑا لگانے کی سازش تھا
— Khawaja Saad Rafique (@KhSaad_Rafique) December 30, 2019
یاد رہے کہ اس سے قبل مسلم لیگ (ن) کے مرکزی رہنما و سابق وفاقی وزیر خواجہ سعد رفیق نے کہا کہ سانحہ پی آئی سی نے اخلاقی و انتظامی گراوٹ کے بد ترین ریکارڈ قائم کیے ہیں۔
ٹوئٹر پر 12 دسمبر کو اپنے پیغام میں خواجہ سعد رفیق نے کہا کہ دشمن ممالک حالتِ جنگ میں بھی ہسپتالوں پر حملہ نہیں کرتے، بے گناہ مریضوں کا ناحق خون کس کے سر جاتا ہے؟
مزید پڑھیں: سانحہ پی آئی سی نے گراوٹ کے ریکارڈ قائم کیے۔خواجہ سعد رفیق
