کراچی :وزیر بلدیات سندھ سید ناصر حسین شاہ اور وزیر اطلاعات ومحنت سندھ سعید غنی نے کہا ہے کہ کراچی کے انفراسٹرکچر کو بہتر بنانے کے حوالے سے کام جاری ہیں، عمران خان کے دن گنے جاچکے ہیں بہت جلد سلیکٹڈوزیراعظم سے نجات مل جائے گی۔
ان خیالات کا اظہار انہوں دونوں صوبائی وزراء نے ضلع شرقی میں بلدیہ شرقی کی جانب سے گلشن اقبال اور جمشید زون میں انجام دئیے جانے والے مختلف ترقیاتی کاموں کے معائنے کے بعدمیڈیا سے بات چیت کرتے ہوئے کیا۔ اس موقع پر وزیر اعلی سندھ کے معاون خصوصی اقبال ساند، ایڈمنسٹریٹر بلدیہ شرقی رحمت اللہ شیخ ودیگر بھی ان کے ہمراہ موجود تھے۔
صوبائی وزراء نے ضلع شرقی میں اعوان روڈ منظور کالونی میں ترقیاتی کاموں کے حوالے سے میڈیا نمائندگان سے بات چیت کرتے ہوئے کہا کہ چیئرمین پاکستان پیپلز پارٹی بلاول بھٹو زرداری کے وژن کے مطابق کراچی کے انفراسٹرکچر کو بہتر بنانے کے حوالے سے کام جاری ہیں، سڑکوں، اسٹریٹ لائٹس، چوراہوں، پانی سیوریج سمیت دیگر ترقیاتی کاموں کے ذریعے عوام کو ریلیف فراہم کیا جارہا ہے۔
ہیلتھ سیکٹر کو بھی مضبوط بنانے کیلئے ہر ممکن اقدامات کئے جارہے ہیں، انہوں نے کہا کہ شب برات اور رمضان المبارک میں عوام کو ریلیف فراہم کرنے کیلئے بلدیاتی امور سر انجام دینگے، صحافیوں کے سوال پر انہوں نے کہا کہ موجودہ نا اہل، بدعنوان وفاقی حکومت اور ان کے حلیف جماعتوں کی وجہ سے لوگ شدید مشکلات کا شکار ہیں۔
انہوں نے کہا کہ عوام اس وقت مہنگائی، بیروزگاری سمیت دیگر مشکلات سے دوچار ہیں، عمران خان کو بلاول بھٹو کی اردو پر تنقید کرنے کے بجائے اپنی اردو درست کرنے کی ضرورت ہے، آج بھی 70 سال کی عمر میں عمران خان بہت سے اردو کے الفاظ کا استعمال درست نہیں کرتے۔
مزید پڑھیں:ق لیگ حکومت کو بلیک میل کررہی ہے، شیخ رشید کاالزام، مونس الٰہی کا منہ توڑ جواب