گوگل نیوز پر ہمیں فالو کریںبالی ووڈ کی مشہور اداکارہ کرینہ کپور خان کی او ٹی ٹی ڈیبیو فلم کا ٹریلر جاری کردیا گیا ہے۔
اداکارہ ڈیجیٹل اسپیس میں او ٹی ٹی فلم ’جانِ جاں‘ کے ساتھ اپنا ڈیبیو کررہی ہیں، جس میں جے دیپ اہلاوت اور وجے ورما بھی ہیں۔
فلم ’جانِ جاں‘ کی کہانی جاپانی ناول (دی ڈووشن آف سسپیکٹ ایکس) سے ماخوذ ہے جو 2006 میں شائع ہوا تھا۔
View this post on Instagram
جاری کئے گئے 2 منٹ اور 19 سیکنڈ کا یہ ٹریلر فلم کی ایک دلکش جھلک پیش کرتا ہے، جس میں دیکھا جاسکتا ہے کہ ایک اکیلی ماں، ایک اسکول ٹیچر اور ایک پولیس اہلکار، یہ سب ایک قتل کے ذریعے اکٹھے ہوئے ہیں اور ان کی زندگیاں کافی پیچیدہ ہیں۔
مذکورہ ناول کی کہانی سسپنس اور تھرلر سے بھرپور ہے، جس میں ایک طلاق یافتہ خوبصورت خاتون کے کردار سمیت قتل اور اس کی تحقیق کے گرد گھومتے واقعات کو بیان کیا گیا ہے۔
ممکنہ طور پر ’جانِ جاں‘ میں کرینہ کپور طلاق یافتہ خوبصورت خاتون کا کردار ادا کرتی دکھائی دیں گی جو اپنی خوبصورتی سے دوسروں کو دیوانہ بھی بناتی ہیں لیکن ان کا ماضی انتہائی اذیت ناک ہوتا ہے۔
نیٹ فلکس نے ’جانِ جاں‘ کا ٹریلر جاری کرتے ہوئے بتایا کہ یہ ویب سیریز 21 ستمبر کو ریلیز کی جائے گی۔
