لاہور : پاکستان مسلم لیگ ن کے صدر اور قومی اسمبلی میں اپوزیشن لیڈر شہباز شریف نے گندم اور شوگر اسکینڈل کی فرانزک رپورٹ میں تاخیر پر تشویش کا اظہار کرتے ہوئے کہا ہے کہ حکومت رپورٹ میں تاخیر کرکے عوام سے حقائق کو چھپا نہیں سکتی۔
سابق وزیراعلیٰ پنجاب شہباز شریف نے دعویٰ کیا ہے کہ اقتصادی رابطہ کمیٹی کے سربراہ اور سبسڈی کی منظوری دینے والے افراد گندم اور چینی کے بحران کے ذمہ دار ہیں۔
انہوں نے مزید کہا کہ رپورٹ میں تاخیر عمران خان کے جرم کا اعتراف اور حکومت کی طرف سے 100 ارب روپے کی ڈکیتی کا ثبوت ہے۔
مزید پڑھیں: کمیشن نے آٹے اور چینی کے بحران پر رپورٹ پیش کرنے کیلئے 3 ہفتے مانگ لیے