گوگل نیوز پر ہمیں فالو کریںعالمی مارکیٹ میں پیر کے روز سونے کی قیمتوں میں اضافہ ریکارڈ کیا گیا جبکہ چاندی، پلاٹینم اور پیلیڈیم کے نرخ بھی بڑھ گئے۔ امریکی ڈالر کی قدر میں نرمی اور خام تیل کی قیمتوں میں کمی کو سونے کی قیمت میں اضافے کی اہم وجوہات قرار دیا جارہا ہے۔
عالمی مارکیٹ میں اسپاٹ گولڈ کی قیمت 0.3 فیصد اضافے کے بعد 4,206.01 ڈالر فی اونس ہوگئی۔ کاروباری سرگرمیوں کے دوران سونا 2 اکتوبر کے بعد بلند ترین سطح پر بھی پہنچا۔ اسی طرح دسمبر میں فراہمی کے لیے امریکی گولڈ فیوچرز کی قیمت 0.3 فیصد بڑھ کر 4,230.40 ڈالر فی اونس ہوگئی۔
چاندی، پلاٹینم اور پیلیڈیم بھی مہنگے
سونے کے ساتھ دیگر قیمتی دھاتوں کی قیمتوں میں بھی تیزی دیکھی گئی۔ اسپاٹ چاندی کے نرخ 0.5 فیصد اضافے سے 61.12 ڈالر فی اونس ہوگئے جبکہ پلاٹینم کی قیمت 1 فیصد بڑھ کر 1,704.70 ڈالر فی اونس تک پہنچ گئی۔
دوسری جانب پیلیڈیم کی قیمت میں 1.2 فیصد اضافہ ریکارڈ کیا گیا جس کے بعد اس کی قیمت 1,161.81 ڈالر فی اونس ہوگئی۔
