آج کاروباری روز کے دوران سونے کی قیمتوں میں روپے کی قدر گرنے کے باعث اضافہ ہوا، کیونکہ مارکیٹوں کی توجہ اسٹیٹ بینک آف پاکستان (SBP) کی شرح سود کی حکمت عملی پر مرکوز رہی۔
آل پاکستان صرافہ جیمز اینڈ جیولرز ایسوسی ایشن کے جاری کردہ اعداد و شمار کے مطابق، سونے (24 قیراط) کی فی تولہ قیمت 700 روپے اور فی 10 گرام 601 روپے اضافے سے 208،700 روپے اور 178،927 روپے پر بند ہوئی۔
آئی ایم ایف پروگرام کی بحالی میں تاخیر کرنسی مارکیٹ پر منفی اثر ڈال رہی ہے جس کے نتیجے میں سونے کی مانگ میں اضافہ ہو رہا ہے۔
ایسوسی ایشن نے یہ بھی بتایا کہ دبئی کی مارکیٹ کے مقابلے میں پاکستان میں سونے کی قیمت 8000 روپے فی تولہ ”کم قیمت” ہے، جس سے ظاہر ہوتا ہے کہ پاکستانی گولڈ مارکیٹ اس وقت عالمی مقابلے میں سستا ہے۔
مزید پڑھیں:اوگرا نے ایل پی جی کی قیمتوں میں 49 روپے فی کلو کمی کردی
دریں اثنا، مقامی مارکیٹ میں چاندی کی قیمتیں بالترتیب 2,270 روپے فی تولہ اور 1,946.15 روپے فی 10 گرام پر برقرار رہیں۔