وفاقی وزیر حماد اظہر بھی کورونا کی زد میں آگئے،گھر میں قرنطینہ کرلیا

اسلام آباد:وفاقی وزیر برائے صنعت وپیداوار حماد اظہر بھی کورونا وائرس کی زد میں آگئے، انہوں نے اپنا ٹیسٹ مثبت آنے پر خود کو گھر میں قرنطینہ کرلیا۔

وفاقی وزیر حماد اظہر نے اس بات کی تصدیق اپنے ٹویٹر اکاؤنٹ سے کی۔ حماد اظہر کا اپنے ٹوئٹ میں کہنا تھا کہ وہ کورونا وائرس میں مبتلا ہو گئے ہیں اور احتیاطی تدابیر اختیار کرتے ہوئے خود کو آئسولیٹ کر لیا ہے۔ انہوں نے عوام سے اپنی صحتیابی کیلئے دعا کی اپیل کی ہے۔

I have tested positive for Covid-19 and self isolating at home. Requesting everyone for prayers. JazakAllah Khair.

— Hammad Azhar (@Hammad_Azhar) February 1, 2021

واضح رہے کہ اس سے قبل متعدد سیاسی شخصیات بھی کورونا وائرس کی زد میں آچکی ہیں، ان میں وزیراعلیٰ سندھ سید مراد علی شاہ، وزیراعلیٰ پنجاب سردار عثمان بزدار، اپوزیشن لیڈر میاں شہباز شریف، وفاقی وزیر اسد عمر و دیگر شامل ہیں۔