گوگل نیوز پر ہمیں فالو کریںبالی ووڈ اداکار ٹائیگر شیروف کی گاڑی پر فائرنگ کے واقعے کے بعد شہر میں سکیورٹی اور امن و امان کی صورت حال پر سوالات اٹھنے لگے ہیں۔
بھارتی میڈیا رپورٹس کے مطابق لارنس بشنوئی گینگ کے ایک مبینہ رکن نے دعویٰ کیا ہے کہ ٹائیگر شیروف کو اداکار سلمان خان کے ساتھ کام کرنے کی وجہ سے نشانہ بنایا گیا تاہم اس دعوے کی آزادانہ تصدیق سامنے نہیں آئی۔
رپورٹس کے مطابق ممبئی کے علاقے جوہو میں اتوار کی شام نامعلوم مسلح افراد نے ٹائیگر شروف کی گاڑی پر تین سے چار گولیاں چلائیں۔ اداکار اس حملے میں محفوظ رہے تاہم ان کے ڈرائیور فردوس کے بائیں ہاتھ پر گولی لگی جبکہ قریب موجود ایک رکشہ ڈرائیور بھی زخمی ہوگیا۔
فائرنگ کا واقعہ کیسے پیش آیا؟
میڈیا رپورٹس کے مطابق ٹائیگر شیروف اپنی گاڑی میں ایک ذاتی کام مکمل کرنے کے بعد واپس روانہ ہو رہے تھے کہ راستے میں حملہ آوروں نے فائرنگ کردی۔ واقعے کی ویڈیوز سوشل میڈیا پر بھی سامنے آئیں جن میں فائرنگ کے بعد لوگوں کو چیختے اور حملہ آوروں کو فرار ہوتے دیکھا اور سنا جا سکتا ہے۔
Mumbai, Maharashtra: A video has emerged showing the suspects who fired at actor Tiger Shroff. In the footage, two cap-wearing suspects can be seen firing towards Shroff—one from the front and the other from within the crowd. Following the incident, both suspects fled the scene, with one escaping on a motorcycle
— IANS (@ians_india) October 18, 2026
ممبئی ویسٹ زون 2 کے ڈپٹی کمشنر پولیس موہت گرگ نے بتایا کہ ٹائیگر شروف حملے میں محفوظ رہے اور انہیں کوئی گولی نہیں لگی۔
پولیس افسر کے مطابق، واقعہ شام تقریباً سات بجے پیش آیا۔ ابتدائی معلومات سے معلوم ہوا کہ اداکار کسی ذاتی کام کے سلسلے میں وہاں آئے تھے اور واپسی کے وقت ان کی گاڑی پر فائرنگ کی گئی۔
پولیس کی تحقیقات، متعدد ٹیمیں تشکیل
موہت گرگ کے مطابق ممبئی پولیس نے ملزمان کی گرفتاری کے لیے متعدد ٹیمیں تشکیل دے دی ہیں جبکہ فرانزک ماہرین نے بھی جائے وقوعہ سے شواہد جمع کرنے اور ابتدائی تحقیقات کا آغاز کردیا ہے۔
VIDEO | Tiger Shroff firing case: Kota SP Tejaswani Gautam says the suspects left immediately after the incident and planned to take a bus from Jaipur to Delhi before leaving for Nepal. Kota City Police detained them at the railway station.
(Full video available on PTI Videos – https://t.co/bIyFWTfmBd)
— Press Trust of India (@PTI_News) October 19, 2026
انہوں نے بتایا کہ تقریباً 15 پولیس ٹیمیں اس معاملے پر کام کر رہی ہیں۔ حکام کے مطابق تحقیقات آگے بڑھنے کے ساتھ مزید تفصیلات سامنے لائی جائیں گی تاہم پولیس افسر نے فائر کیے گئے گولیوں کی درست تعداد بتانے سے گریز کیا۔
خبر رساں ادارے انڈو ایشین نیوز سروس (آئی اے این ایس) کے مطابق پولیس نے حملہ آوروں کی شناخت اور ان کے فرار کے راستے کا سراغ لگانے کے لیے قریبی علاقوں کی سی سی ٹی وی فوٹیج کا جائزہ لینا شروع کردیا ہے۔ سینئر پولیس افسران نے بھی جائے وقوعہ کا دورہ کرکے صورت حال کا جائزہ لیا۔
ایکناتھ شندے کی ٹائیگر شروف اور جیکی شروف سے ملاقات
واقعے کے بعد مہاراشٹر کے نائب وزیر اعلیٰ ایکناتھ شندے نے اداکار ٹائیگر شیروف اور ان کے والد، معروف اداکار جیکی شیروف سے ملاقات کی۔
شندے نے بتایا کہ انہوں نے دونوں سے بات کی ہے اور ٹائیگر شروف کو یقین دلایا ہے کہ حکومت ان کے ساتھ کھڑی ہے۔ ان کے مطابق حکومت معروف شخصیات کی سکیورٹی کے انتظامات کا جائزہ لے گی اور ان کی حفاظت یقینی بنانے کے لیے اقدامات کرے گی۔
نائب وزیر اعلیٰ نے مزید کہا کہ جو بھی کسی کو خوف زدہ کرنے یا دھمکانے کی کوشش کرے گا اس کے خلاف پولیس اور حکومت کارروائی کریں گے۔
کانگریس رہنما سچن ساونت نے سوشل میڈیا پلیٹ فارم ایکس پر ٹائیگر شروف کی گاڑی پر فائرنگ کو انتہائی تشویش ناک قرار دیتے ہوئے سوال کیا کہ ممبئی میں کیا ہو رہا ہے۔
انہوں نے اپنے بیان میں بابا صدیقی کے قتل، سلمان خان کی رہائش گاہ پر فائرنگ اور دیگر اداکاروں و فلم پروڈیوسروں کو ملنے والی دھمکیوں کا حوالہ دیتے ہوئے ریاست میں قانون کی حکمرانی پر سوال اٹھائے۔ ان کا کہنا تھا کہ موجودہ حکومت شہریوں کو تحفظ فراہم کرنے میں ناکام رہی ہے۔
ٹائیگر شروف پہلے بھی مبینہ دھمکیوں کی زد میں
بھارتی میڈیا رپورٹس کے مطابق ٹائیگر شیروف کو اس سے قبل بھی مبینہ طور پر لارنس بشنوئی گینگ کی جانب سے دھمکیاں مل چکی ہیں جبکہ ان کی رہائش گاہ پر فائرنگ کا واقعہ بھی رپورٹ ہوا تھا۔
