لاڑکانہ: پاکستان پیپلزپارٹی کے چیئرمین بلاول بھٹو زرداری نے عید الفطر سادگی کے ساتھ نوڈیرو ہاؤس میں منائی اورشہدائے جمہوریت کے مزارات پر حاضری دی۔
چیئرمین بلاول بھٹو زرداری نے سماجی فاصلے کے اصول و ضوابط کو ملحوظ خاطر رکھتے ہوئے شہدائے جمہوریت کے مزارات پر حاضری دی اورشہید ذوالفقار علی بھٹو ،بیگم نصرت بھٹو اوربے نظیر بھٹو کے مزار پر پھول چڑھائے
چیئرمین بلاول بھٹو زرداری نے شہید میر شاہنواز بھٹو اور شہید میر مرتضیٰ بھٹو کے مزارات پر بھی حاضری دی اور پھول چڑھائے،تمام شہداء کے درجات کی بلندی کے لئے فاتحہ خوانی بھی کی۔
اپنے پیغام میں انہوں نے کہا کہ آج ہم طیارہ حادثے کے المناک واقعے کی یادوں کے ساتھ عید منارہے ہیں،عید کے موقع پر قوم کے لئے قربانی دینے والوں کی جدوجہد کو ضرور یاد رکھیں۔
انہوں نے کہا کہ اس عید کو اپنے شہداء کے نام کریں، اس عید کو ان ڈاکٹرز، نرسوں اور پیرامیڈیکل اسٹاف کے نام کریں جو کورونا وائرس کے خلاف جدوجہد کررہے ہیں۔
مزید پڑھیں:بلاول بھٹو زرداری کی عوام سے سادگی سے عید منانے کی اپیل