بلاول بھٹو زرداری نے پی ڈی ایم کو پیپلزپارٹی میں شمولیت کا مشورہ دے دیا

موسم

قیمتیں

ٹرانسپورٹ

بلاول بھٹو زرداری نے پی ٹی ایم کو پیپلزپارٹی میں شمولیت کا مشورہ دے دیا
بلاول بھٹو زرداری نے پی ٹی ایم کو پیپلزپارٹی میں شمولیت کا مشورہ دے دیا

گوگل نیوز پر ہمیں فالو کریں

مردان: پاکستان پیپلز پارٹی کے چیئرمین بلاول بھٹو زرداری نے اپوزیشن اتحاد پاکستان ڈیمو کریٹک موومنٹ (پی ڈی ایم) پر تنقید کے تیر چلاتے ہوئے کہا ہے کہ ہم نے پی ڈی ایم میں واپس جانے کی درخواست دی نہ خواہش کا اظہار کیا ہے۔ اگر پی ٹی ایم نے پیپلزپارٹی کے موقف پر چلنا ہے تو پیپلزپارٹی کو جوائن کرلیں۔

میڈیا سے گفتگو میں بلاول کا کہنا تھاکہ معاشی مسائل کا حل پیپلزپارٹی کے پاس ہے۔ آزاد کشمیر الیکشن کے بائیکاٹ کی غلطی نہیں کریں گے جبکہ ہمارے اتحادی بھی آج ہمارے فیصلے کو مان رہےہیں۔ اگر ہم استعفے دے دیتے تو پی ٹی آئی کو کھلا میدان مل جاتا۔

بلاول بھٹو کا کہنا تھا کہ معاملہ صرف استعفے کا تھا، ایک سال تک استعفیٰ استعفیٰ کرتے رہے تو اب استعفے دیں، آپ استعفیٰ بھی نہیں دے رہے اور الیکشن بھی لڑ رہے ہیں، جب پیپلز پارٹی کے ہی مؤقف پر چلنا ہے تو پیپلز پارٹی ہی جوائن کرلیں۔

پی ڈی ایم پر تنقید کرتے ہوئے پی پی چیئرمین کا کہنا تھاکہ ہم پی ڈی ایم کا نوٹس پھاڑ چکے اور آپ بار بار کیوں کہہ رہے ہو ان کو نہیں لیں گے؟ ہم آنا بھی نہیں چاہتے ، آپ کی مہربانی، اگرپی ڈی ایم میں پیپلزپارٹی اور اے این پی نہیں تواحتجاج کے بغیرسیدھا استعفے دیتے۔

ان کا کہنا ہے کہ انقلابیوں کو یہی سمجھاتا رہا ہوں کہ عمران خان کے لیے میدان نہ چھوڑيں، پیپلز پارٹی اور اے این پی کے بغیر پی ڈی ایم جمہوری تحریک ہی نہیں ہے۔

انہوں نے کہا کہ پی ڈی ایم سیاسی اتحاد ہے، سیاسی اختلاف ہوسکتے ہیں، پارلیمان میں ہم ایک ہیں اور ہم نے قائد حزب اختلاف کو اختیار دیا ہے۔

بجٹ کے حوالے پی پی چیئرمین کا کہنا تھاکہ مہنگائی تاریخی سطح پر ہے، مہنگائی کی شرح افغانستان سے بھی زیادہ ہے، ملک میں تاریخی بے روزگاری ہے، جتنی بےروزگاری اس حکومت میں ہوئی ماضی میں نہیں ہوئی۔

انہوں نے کہا کہ اکنا مک سروے میں مہنگائی اور بیروزگاری کا ذکر تک نہیں، گزشتہ روزعوام دشمن بجٹ پیش کیاگیا، حکومت تنخواہوں میں اُتنا اضافہ کرےجتنا مہنگائی میں اضافہ کیا۔

فرخ شاہ کی گرفتاری پر بلاول کا کہنا تھاکہ آج آپ نے میرے کارکن کے بیٹے کو گرفتار کیا ہے، یہ سمجھ رہے ہیں کہ کسی سیاست دان کے بیٹے کو گرفتار اور بیوی کو دھمکا کر اپنا راج قائم کرسکتے ہیں تو یہ یاد رکھیں کہ ہم انہیں چھوڑیں گے نہیں ہم بھی انکے بیٹوں کو گرفتار کریں گے۔

یہ بھی پڑھیں : تاجربرادری کے لیے وفاق اور صوبے میں آواز اٹھائیں گے، خالد مقبول صدیقی

Related Posts