گوگل نیوز پر ہمیں فالو کریںلاہور کے علاقے سبزہ زار پولیس نے اسٹیج اداکارہ عروج خان کی مدعیت میں ناصر خان کے خلاف عصمت دری اور جنسی زیادتی کا مقدمہ درج کر لیا ہے۔ ایف آئی آر میں دفعہ 376 کے تحت درج بیان میں اداکارہ نے الزام عائد کیا ہے کہ ملزمان نے پہلے دوستانہ تعلقات استوار کیے اور پھر اسے اسٹیج کے کام کا جھانسہ دے کر اپنے گھر بلایا۔
اداکارہ نے تفتیشی حکام کو بتایا کہ ناصر خان نے ان کی بڑھتی ہوئی قربت کا ناپسندیدہ فائدہ اٹھایا اور اسے نشہ آور اشیاء اور جوس میں ملا کر پلانے کے بعد جنسی زیادتی کا نشانہ بنایا۔
شکایت کے مطابق اس کے بعد سے ملزم اداکارہ کو برہنہ ویڈیو وائرل کرنے کی دھمکیاں دے کر بلیک میل کر رہا ہے۔ پولیس کا کہنا ہے کہ ملزم کی گرفتاری کے لیے چھاپے مارے جا رہے ہیں اور اسے جلد حراست میں لے لیا جائے گا۔
پولیس ذرائع نے یہ بھی بتایا کہ اسی شخص کے خلاف ماضی میں بھی سنگین نوعیت کے الزامات سامنے آ چکے ہیں۔
ان کا کہنا ہے کہ سن 2024 میں ناصر خان نے اداکارہ کی رہائش گاہ پر دن دہاڑے فائرنگ کی تھی جو مبینہ طور پر زبردستی تعلق قائم کرنے کی کوشش تھی اور اس سے قبل کئی روز تک دھمکیاں بھی دی گئی تھیں۔
پولیس ترجمان نے تصدیق کی ہے کہ معاملے کی تحقیقات کا آغاز کر دیا گیا ہے اور ملزم کو کیفر کردار تک پہنچانے کے لیے تمام ضروری شواہد اور سراغ اکٹھے کیے جا رہے ہیں۔
