سوات: ایف سی کی تاریخ میں پہلی بار خاتون ڈسٹرکٹ آفیسر تعینات

سوات : فرنٹیئر کانسٹیبلری کی تاریخ میں پہلی بار خاتون کو فرنٹیر کانسٹبلری کا ضلعی آفیسر تعینات کردیا گیا۔

صوبۂ پنجاب کے شہر فیصل آباد سے تعلق رکھنے والی حنا منور کو ایک سال کے لئے ڈسٹرکٹ آفیسر ایف سی تعینات کیا گیاہے۔

مزید پڑھیں :سندھ پولیس کی تاریخ میں پانچویں بار براہ راست ڈی ایس پیز بھرتی کی تیاریاں

حنا منور نے ڈویلپمنٹ اکنامکس میں ایم فل کی ڈگری حاصل کرنے کے بعد سی ایس ایس کا امتحان پاس کیا اور پولیس گروپ میں منتخب ہوئی۔

حنا منور شادی شدہ اور ایک بیٹی کی والدہ ہیں۔ حنا منور کا کہنا ہے کہ وہ سوات میں ایف سی فورس میں اقدامات کریں گی، جس سے فورس کا مورال بلند ہوگا۔