گوگل نیوز پر ہمیں فالو کریںکراچی:محمود آباد نمبر 6 تھانہ بلوچ کالونی کی حدود میں چائے کے ہوٹل پر آج صبح 7بجے کے وقت ڈکیتی کا واقعہ پیش آیا،جس میں تین موٹرسائیکلوں پر سوار 6رکنی ڈکیت گروہ چائے کے ہوٹل پر12سے زائد شہریوں کو لوٹ کرباآسانی فرار ہونے میں کامیاب ہوگیا۔
تفصیلات کے مطابق متاثرہ شہریوں نے ایم ایم نیوز کو بتایا کہ ڈکیتی کی واردات آج صبح (اتوار) 7بجے چائے کے ہوٹل پر پیش آئی۔
کراچی محمود آباد نمبر6میں چائے کے ہوٹل پر ڈکیتی کی واردات، 6ڈاکوؤں نے 12سے زائد نوجوانوں کو لوٹ لیا۔#Karachi #Mehmoodabad #Robbery #StreetCrimes #CCTV #CCTVFootage #MMNews pic.twitter.com/4DvcMTm6Wz
— MM News TV (@mmnewsdottv) December 11, 2022
متاثرین کے مطابق 6رکنی ڈاکوؤں کا گروہ لاکھوں روپے نقدی،موبائل فون لیکرباآسانی فرار ہوگیا، بلوچ کالونی پولیس سے رابطہ بھی کیا ہے لیکن ڈکیت تاحال پولیس کی گرفت میں نہ آسکے۔جبکہ دوسری جانب تھانہ بلوچ کالونی پولیس موقف دینے سے گریزاں ہیں۔
مزید پڑھیں:چمن بارڈر، طالبان فورسز کا ایک بار پھر حملہ، 6 پاکستانی شہری شہید
سی سی ٹی وی فوٹج میں دیکھا جاسکتا ہے کہ تین موٹرسائیکلوں پر سوار چھ رکنی گروہ نے 12سے زائد شہریوں کو لوٹا اور فرار ہوگئے، اہل علاقہ کہتے ہیں یہ چھ رکنی گروہ اس سے قبل بھی دو وارداتیں کرچکے ہیں۔
