گوگل نیوز پر ہمیں فالو کریںوفاقی دارالحکومت اسلام آباد اور لاہور سمیت ملک کے مختلف شہروں میں آج بارش ہوئی جس سے موسم خوشگوار ہوگیا ہے۔ بعض علاقوں میں خنکی اور ٹھنڈک میں اضافہ بھی ریکارڈ کیا گیا۔
تفصیلات کے مطابق آج لاہور کے علاوہ صوبہ پنجاب کے مختلف شہروں میں بادل برسے جن میں شیخوپورہ، فتح جنگ، اوکاڑہ، بھکر، رینالہ خورد اور گوجرہ بھی شامل ہیں۔
صوبہ پنجاب اور شہرِ اقتدار کے ساتھ ساتھ شمالی وزیرستان میں بھی بوندا باندی ہوئی۔ اسلام آباد میں بھی ہلکی پھلکی بارش کے باعث خنکی میں اضافہ ہوا ہے۔
محکمۂ موسمیات نے پیشگوئی کی ہے کہ خیبر پختونخوا، کشمیر اور گلگت بلتستان میں بھی بارش کا امکان ہے جبکہ پنجاب کے بالائی علاقوں میں بھی بارش متوقع ہے۔
یاد رہے کہ اِس سے قبل محکمہ موسمیات نے ملک کے بعض علاقوں میں بارش اور پہاڑوں پر برفباری کی پیش گوئی کی تھی۔
ڈائریکٹر محکمہ موسمیات کے مطابق گزشتہ ماہ اسلام آباد، بالائی پنجاب، خیبر پختونخوا اور کشمیر میں مطلع ابرآلود رہنے کے ساتھ چند مقامات پر بارش جبکہ پہاڑوں پر برفباری ہوئی، تاہم ملک کے دیگر علاقوں میں موسم سرد اور خشک رہا۔
مزید پڑھیں: ملک کے کچھ علاقوں میں بارش اور پہاڑوں پر برفباری کی پیشگوئی
