گوگل نیوز پر ہمیں فالو کریںلاہور: بنگلا دیش کرکٹ ٹیم تین ٹی ٹوئنٹی میچز سیریز کے لیے صوبائی دارالحکومت لاہور پہنچ گئی۔پی سی بی کی طرف سے ذاکر خان نے علامہ اقبال ایئر پورٹ پر ٹیم کا استقبال کیا، ٹیم کو سخت سکیورٹی میں نجی ہوٹل منتقل کر دیا گیا ہے۔
بنگلا دیش ٹیم کپتان محمود اللہ ، تمیم اقبال، نجم الحسن شانتو، سومیا سرکار، نعیم شیخ، لٹن کمرداس، مہدی حسن، امین الاسلام، ایم ڈی متھن، عفیف حسین دھرو، مصطفیٰ الرحمان، شفیع الاسلام ، روب ،حسن محمود اورالامین حسین، پر مشتمل ہے۔
بنگلا دیش ٹیم پاکستان میں 24، 25 اور 27 جنوری کو قذافی اسٹیڈیم لاہور میں تین ٹی ٹوئنٹی میچز کھیلے گی،
ٹی 20 رینکنگ میں پہلے نمبر پر موجود پاکستانی ٹیم کا بنگلا دیش کے خلاف پلڑا ہمیشہ بھاری رہا ہے ،بنگلا دیش کے خلاف پاکستان 10 میں سے 8 میچز میں فتح حاصل کر چکا ہے۔
پاکستان نے 2008ء میں بھی ٹی ٹوئنٹی سیریز کے لیے بنگلا دیش ٹیم کی میزبانی کی تھی جب 20 اپریل 2008ء کو کراچی میں کھیلے گئے میچ میں پاکستان نے بنگلا دیش کو 102 رنز سے ہرایا تھا۔
مزید پڑھیں: وریندر سہواگ کی تنقید پر پنڈی ایکسپریس شعیب اختر کا کراراجواب
