گوگل نیوز پر ہمیں فالو کریںنیشنل ڈیٹا بیس اینڈ رجسٹریشن اتھارٹی (نادرا) نے جنسی مجرموں کی قومی رجسٹری کا اجراء کردیا۔
بچوں اور خواتین کے خلاف جنسی جرائم میں ملوث مجرموں کی اب فوری شناخت ہوسکے گی۔
چیئرمین نادرا طارق ملک نے کہا ہے کہ بچوں اور خواتین کو محفوظ رکھنے کےلیے ناگزیر سہولت مہیا کی ہے۔
یہ بھی پڑھیں:
9 مئی یوم سیاہ کے مجرموں کو انصاف کے کٹہرے میں لایا جائے گا، آرمی چیف
نادرا کی قومی رجسٹری کے اجراء کے بعد جنسی جرائم میں سزا یافتہ افراد کی شناخت اور ٹریکنگ کی جاسکے گی۔
نادرا اعلامیے کے مطابق ملازم رکھنے سے پہلے متعلقہ شخص کا شناختی کارڈ نمبر نادرا کو ایس ایم ایس کریں۔
اعلامیے کے مطابق اگر وہ شخص بچوں یا خواتین سے جنسی جرائم میں ملوث رہا ہے تو نادرا آپ کو جواب میں اس سے فوری آگاہ کرے گا۔
نادرا اعلامیے کے مطابق شہریوں، ملازم رکھنے والے اداروں، محکموں کو تصدیقی ایس ایم ایس سے خبردار کیا جائے گا۔
اعلامیے کے مطابق قانون نافذ کرنے والے اداروں اور صوبائی حکومتوں سے روابط بھی قائم کردیے، کسی بھی فرد سے متعلق 7000 پر شناختی کارڈ نمبر ایس ایم ایس کیا جاسکے گا۔
نادرا اعلامیے کے مطابق ایس ایم ایس کے ذریعے تصدیق جاسکتی ہے یہ شخص جنسی مجرم ہے یا نہیں، مجرم ہونے پر جواب موصول ہوسکتا ہے’ خبردار۔ یہ شخص ایک مجرم ہے‘۔
اعلامیے کے مطابق جواب موصول ہوسکتاہے ’یہ شخص مجرم ہے، اسے بچوں کے قریب جانے کی اجازت نہ دی جائے‘۔
