گوگل نیوز پر ہمیں فالو کریںوزیراعظم شہباز شریف 2 روزہ سرکاری دورے کیلئے آج چین روانہ ہو گئے ہیں جس کا مقصد پاک چین تعلقات کو فروغ دینا ہے۔
تفصیلات کے مطابق وزیر اعظم شہباز شریف ہمسایہ ملک چین کا دورہ چینی ہم منصب لی کی کیانگ کی دعوت پر کر رہے ہیں۔ اس دورے میں وزیر اعظم کے ہمراہ وفاقی کابینہ اراکین اور ایک اعلیٰ سطحی وفد بھی ہے۔
حکومت سنبھالنے کے بعد وزیر اعظم شہباز شریف اپنے پہلے دورہ چین پہنچیں گے۔ وزیراعظم اس سے قبل 16 ستمبر کو ازبکستان میں شنگھائی تعاون تنظیم کے سربراہی اجلاس کے موقع پر چین کے صدر شی جن پنگ سے ملاقات کر چکے ہیں۔
وزیر اعظم کا کسانوں کیلئے 1800 ارب کے زرعی پیکیج کا اعلان
سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ میں آج بیجنگ کیلئے روانہ ہورہا ہوں۔ 20ویں نیشنل کانفرنس کے بعد ان چند رہنماؤں میں شمولیت پر عزت افزائی محسوس کر رہا ہوں جنہیں دورۂ چین کی دعوت دی گئی۔
ٹوئٹر پیغام میں وزیر اعظم شہباز شریف نے کہا کہ آج جب دنیا کو متعدد چیلنجز کا سامنا ہے، پاکستان اور چین بطور دوست اور شراکت دار ایک دوسرے کے ساتھ کھڑے ہیں۔
Leaving for Beijing today. Honoured to be among the first few leaders to have been invited after the historic 20th National Congress of the CPC. At a time when the world is grappling with multiple challenges, Pakistan & China stand together as friends & partners. 1/2
— Shehbaz Sharif (@CMShehbaz) November 1, 2022
وزیر اعظم شہباز شریف نے کہا کہ دورۂ چین کے دوران چینی قیادت سے ملاقاتوں میں سی پیک سمیت دیگر بہت سے معاملات پر گفتگو ہوگی۔ سی پیک کا دوسرا فیز سوشیو اکنامک ترقی میں عوام کے معیارِ زندگی کو بلند کرے گا۔ چینی اقتصادی کرشمے سے بہت کچھ سیکھنے کی ضرورت ہے۔
My discussions with Chinese leadership will focus on revitalization of CPEC among many other things. 2nd phase of CPEC promises to usher in a new era of socio-economic progress that will uplift quality of our people's lives. There is a lot to learn from Chinese economic miracle. https://t.co/A6knRLzN6l
— Shehbaz Sharif (@CMShehbaz) November 1, 2022
ترجمان دفترِ خارجہ کا کہنا ہے کہ وزیر اعظم شہباز شریف چین کے دورے کے دوران چین کے صدر شی جن پنگ اور چینی وزیراعظم لی کی کیانگ سے وفود کی سطح پر گفت و شنید کریں گے جس کے دوران دو طرفہ تعلقات اور تعاون پر گفتگو ہوگی۔
دورے سے قبل چینی میڈیا سے بات کرتے ہوئے وزیر اعظم شہباز شریف کا کہنا تھا کہ میرے چین کے دورے سے پاک چین تزویراتی تعلقات نئی گہرائیوں تک پہنچیں گے اور دو طرفہ تجارتی و کاروباری تعلقات کو بھی فروغ ملے گا۔
چینی گلوبل ٹیلی ویژن نیٹ ورک کو انٹرویو دیتے ہوئےانہوں نے کہا کہ وہ متعدد شعبوں میں دونوں ملکوں کا تعاون بڑھانے کے لئے صدر شی جن پنگ اور وزیر اعظم لی کی کیانگ سمیت چین کی قیادت کے ساتھ بات چیت کے منتظر ہیں۔
میڈیا سے گفتگو کے دوران وزیر اعظم شہباز شریف نے گزشتہ روز کہا کہ ہم ون بیلٹ ون روڈ کے تحت چین پاکستان اقتصادی راہداری (سی پیک) کے کردار میں اضافے کیلئے بھی چین کی قیادت سے تبادلہ خیال کریں گے۔
