ہیلی کاپٹر گر کر تباہ، وجوہات جاننے کیلئے اقوامِ متحدہ سے رابطہ ہے۔ وزیر خارجہ

بیجنگ: پاک فوج کا ہیلی کاپٹر کانگو میں گر کر تباہ ہوگیا، وزیر خارجہ شاہ محمود قریشی کا کہنا ہے کہ ہیلی کاپٹر کی تباہی کی وجوہات پر تحقیقات جاری ہیں۔ ہم اقوامِ متحدہ سے رابطے میں ہیں۔

سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ میں امن مشن کی ذمہ داریاں نبھانے والے ان افسران اور سپاہیوں کو سلام پیش کرتا ہوں جنہوں نے فرائض کی انجام دہی کے دوران اپنی جان کی قربانی دے دی۔

یہ بھی پڑھیں:

کانگو میں ہیلی کاپٹر گر کر تباہ، پاک فوج کے 6 جوان و افسران شہید

ٹوئٹر پیغام میں وزیر خارجہ شاہ محمود قریشی نے کہا کہ کانگو میں اقوامِ متحدہ کے  امن و استحکام سے متعلق مشن میں ہمارے افسران شہید ہو گئے۔ ان کے لواحقین سے گہری ہمدردی ہے۔ ہیلی کاپٹر کی تباہی پر تحقیقات کیلئے اقوامِ متحدہ سے رابطہ ہے۔ 

I salute the ultimate sacrifice made by 6 ???????? troops in the line of peacekeeping duties, martyred during crash of helicopter deployed with UN Stabilization Mission in DR Congo. I extend deepest condolences to their families. We are in touch with UN to establish cause of crash.

— Shah Mahmood Qureshi (@SMQureshiPTI) March 30, 2022

خیال رہے کہ اس سے قبل اقوام متحدہ کے کانگو امن مشن میں پاک فوج کا ہیلی کاپٹر گر کر تباہ ہوگیا، المناک حادثے میں افسران اور جوانوں سمیت 8 اہلکار شہید ہوگئے۔

آئی ایس پی آر کے مطابق گزشتہ روز افریقی ملک کانگو میں انتہائی افسوسناک واقعہ پیش آیا جہاں پر پاک فوج کا پوما ہیلی کاپٹر نگرانی مشن کے دوران گر کر تباہ ہوگیا۔

پاک فوج کے شعبہ تعلقات عامہ کے مطابق حادثے میں پاک فوج کے 6 افسران و جوانوں سمیت امن مشن پر مامور 8 اہلکاروں نے جامِ شہادت نوش کر لیا۔

پاک فوج کے شہدا میں لیفٹیننٹ کرنل آصف، میجرسعد، معاون پائلٹ میجر فیضان علی، نائب صوبیدار سمیع اللہ خان، حوالدار محمد اسماعیل، کریو چیف محمد جمیل شامل ہیں۔