گوگل نیوز پر ہمیں فالو کریںلاہور :وزیر داخلہ شیخ رشید کا کہنا ہے کہ پانچ سیٹوں والی مسلم لیگ (ق) پنجاب کی وزارت اعلیٰ کے لیے بلیک میل کر رہی ہے۔
وزیر داخلہ شیخ رشید نے وزیراعظم سے یکجہتی اور حمایت کا اظہار کرتے ہوئے کہا کہ پنجاب میں کم سے کم ووٹ رکھنے والے وزیراعلیٰ کی سیٹ کے لیے بلیک میل کر رہے ہیں، حکومت کسی سے بلیک میل نہیں ہوگی۔
پاکستان مسلم لیگ (ق) کے رہنما اور وفاقی وزیر مونس الٰہی نے وزیر داخلہ شیخ رشید کے ٹویٹر پر بیان پر ردعمل دیتے ہوئے کہا ہے کہ شیخ رشید ق لیگ کے بڑوں سے مالی تعاون حاصل کرتے تھے۔
مزید پڑھیں:مقصود چپڑاسی کے بارے میں شہباز شریف بہتر بتاسکتے ہیں۔ شیخ رشید
مونس الٰہی نے ٹوئٹ کرتے ہوئے کہا کہ ’’میں شیخ رشید کا احترام کرتا ہوں لیکن وہ بھول گئے ہیں کہ وہ اپنی طالب علمی کے دوران اسی جماعت سے تعلق رکھنے والے رہنماؤں کے بڑوں سے پیسے لیتے تھے۔‘‘
میں شیخ صاحب @ShkhRasheed کی عزت کرتا ہوں لیکن یہ بھول رہے ہیں کہ اسی جماعت کے لیڈران کے بزرگوں سے جناب اپنی سٹوڈنٹ لائف میں پیسے لیا کرتے تھے pic.twitter.com/2Ds47MhtKE
— Moonis Elahi (@MoonisElahi6) March 12, 2022
