باپ کے ہاتھوں میانوالی میں 7 روز کی بچی کے قتل پر ہر آنکھ اشکبار

میانوالی: 7دن کی بچی کو  باپ شاہ زیب نے میانوالی میں تین گولیاں مار کر قتل کر دیا ،باپ بیٹی نہیں بیٹا چاہتا تھا۔

میڈیا رپورٹس کے مطابق میانوالی کے شاہ زیب نے بیوی کو کہہ رکھا تھا کہ اگر پہلی اولاد بیٹی ہوئی تو میں مار دوں گا۔

اتوار کی شام موقع ملتے ہی اس نے پستول کے 4 فا ئر سات دن کی کمزور بچی کے جسم میں اتار دیے اور اعتراف کرلیا ہے کہ مجھے پہلی اولاد بیٹا نہ ہونے کا رنج تھا۔ ماں ابھی تک غشی کی حالت میں ہسپتال ہے۔

مزید پڑھیں:کراچی کے علاقے ناظم آباد میں فائرنگ سے ماں بیٹی قتل

ملزم کی جانب سے بچی کو 3، 4 اور کہیں زیادہ تعداد میں بھی گولیاں مار نے کے حوالے سے اطلاعات زیرگردش ہیں تاہم ان کی تصدیق نہیں ہوسکی۔

قیامت خود بتائے گی
کہ
قیامت کیوں ضروری تھی۔
میانوالی۔????
پہلی اولاد بیٹی پیدا ہونے پر ظالم باپ نے سات دن کی معصوم بچی کو پانچ فائر مار کر قتل کر دیا#AllamaKhadimHussainRizvi pic.twitter.com/USwXFIZ3qk

— Jaan Kar Geo (@JaanKarGeo) March 8, 2022

پولیس نے سوشل میڈیا پوسٹس پر ملنے والی اطلاعات کے بعد واقعے کا مقدمہ درج کر لیا ہے۔ آئی جی آفس کی طرف سے جاری ایک بیان میں کہا گیا ہے کہ ’آئی جی پنجاب راؤ سردار علی خان نے میانوالی میں باپ کی فائرنگ سے نومولود بیٹی کو قتل کرنے کے واقعہ کا نوٹس لیتے ہوئے آر پی او سرگودھا سے واقعہ کی رپورٹ طلب کر لی ہے۔‘

بیان میں یہ بھی کہا گیا ہے کہ ’آئی جی نےسفاک ملزم کو جلد از جلد گرفتار کرکے سخت قانونی کاروائی کا حکم بھی دیا ہے جبکہ ڈی پی او میانوالی کو متاثرہ فیملی سے قریبی رابطہ رکھنے کی ہدایت کی ہے۔‘