گوگل نیوز پر ہمیں فالو کریںاسلام آباد: وزیراعظم عمران خان نے جمہوری وطن پارٹی کے سربراہ شاہ زین بگٹی کومعاون خصوصی مقرر کردیا۔
ذرائع کے مطابق وزیراعظم عمران خان نے بلوچستان کے ناراض بلوچ رہنماؤں سے مذاکرات کے لیے جمہوری وطن پارٹی کے سربراہ شاہ زین بگٹی کو معاون خصوصی مقرر کردیا، کابینہ ڈویژن نے شاہ زین بگٹی کی تقرری کا نوٹیفیکیشن جاری کردیا ہے۔
نوٹیفکیشن کے مطابق شاہ زین بگٹی کو وزیر اعظم عمران خان کا معاون خصوصی برائے ہم آہنگی بلوچستان مقرر کیا گیا اور انہیں وفاقی وزیر کا درجہ دیا گیا ہے۔ شاہ زین بگٹی ناراض بلوچ رہنماؤں سے سیاسی اور قومی ہم آہنگی پر بات کریں گے۔
واضح رہے وزیراعظم عمران خان نے چند روز قبل گوادر میں خطاب کے موقع پر ناراض بلوچ رہنماؤں سے بات کرنے کا اعلان کیا تھا۔یہ بھی اسی سلسلے کی کڑی ہے۔
مزید پڑھیں: گورنر بلوچستان جسٹس ریٹائرڈ امان اللہ خان اپنے عہدے سے مستعفی ہوگئے
