گوگل نیوز پر ہمیں فالو کریںاسلام آباد: وزیرِ اطلاعات فواد چوہدری نے کہا ہے کہ سابق چیف جسٹس آف پاکستان میاں ثاقب نثار اور سابق چیف جسٹس گلگت بلتستان کے حوالے سے میڈیا پر چلائی جانے والی خبر بے وقوفانہ ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات فواد چوہدری نے کہا کہ معروف صحافی انصار عباسی کی ایک حیرت انگیز اسٹوری نظر سے گزری جس میں ایک گلگت کے جج صاحب کا ذکر موجود ہے۔
سابق چیف جسٹس ثاقب نثار نے شریف خاندان سے متعلق خبر کی تردید کردی
حکومت کے ساتھ چلنا مشکل ہوتا جارہا ہے۔ق لیگی رہنماؤں کا اظہارِ تشویش
ٹوئٹر پیغام میں وزیرِ اطلاعات نے کہا کہ گلگت بلتستان کے سابق جج فرماتے ہیں کہ جب وہ ثاقب نثار صاحب کے پاس چائے پینے بیٹھے تو جج صاحب نے فون پر ہائیکورٹ کے جج کو کہا کہ نواز شریف کی ضمانت الیکشن سے پہلے نہیں لینی۔
پیغام میں وزیرِ اطلاعات فواد چوہدری نے کہا کہ کیسےکیسے لطیفے اس ملک میں نواز شریف کو مظلوم ثابت کرانے کی مہم چلا رہے ہیں، اندازہ لگائیں کہ آپ کسی جج کے پاس چائے پینے جائیں، وہ آگے سے فون ملا کر بیٹھا ہے۔
وفاقی وزیرِ اطلاعات فواد چوہدری نے انصار عباسی کی خبر کو مضحکہ خیز قرار دیتے ہوئے کہا کہ فون ملا کر بیٹھا ہواجج کیا آپ کے سامنے ہی کسی ملزم کی ضمانت سے متعلق ہدایات جاری کرے گا جو عام آدمی نہیں بلکہ ملک کا وزیر اعظم ہو؟
کیسےکیسے لطیفے اس ملک میں نواز شریف کو مظلوم ثابت کرانے کی مہم چلا رہے ہیں، اندازہ لگائیں کے آپ کسی جج کے پاس چائے پینے جائیں وہ آگے سے فون ملا کر بیٹھا ہے کہ آپ کے سامنے ہی ایسی ہدایات جاری کرے کہ کسی ملزم کی ضمانت لینی ہے یا نہیں لینی!ملزم بھی کوئ عام آدمی نہیں ملک کاوزیر اعظم
— Ch Fawad Hussain (@fawadchaudhry) November 15, 2021
وزیرِ اطلاعات فواد چوہدری نے کہا کہ بے وقوفانہ کہانیاں اور سازشی تھیوریاں گھڑنے کی بجائے یہ بتا دیں کہ نواز شریف کے پاس ایون فیلڈ اپارٹمنٹس جو بعد میں مریم نواز کی ملکیت میں دئیے گئے، کے پیسے کہاں سے آئے؟
بیوقوفانہ کہانیاں اور سازشی تھیوریاں گھڑنےکی بجائے یہ بتا دیں نواز شریف نے ایون فیلڈ اپارٹمنٹس جو بعد میں مریم نواز کی ملکیت میں دے دئیے گئے ان کے پیسے کہاں سےآئے؟ مریم نے کہا میری لندن میں تو کیا پاکستان میں بھی کوئ جائیداد نہیں اب اربوں کی جائیداد سامنے آ چکی جواب اس کا دیں،
— Ch Fawad Hussain (@fawadchaudhry) November 15, 2021
سابق وزیر اعظم نواز شریف اور صاحبزادی مریم نواز پر تنقید کرتے ہوئے فواد چوہدری نے کہا کہ مریم نے کہا تھا کہ میری لندن میں تو کیا، پاکستان میں بھی کوئی جائیداد نہیں ہے۔ اب اربوں کی جائیداد سامنے آچکی۔ اس کا جواب دیں۔
