گوگل نیوز پر ہمیں فالو کریںٹوکیو: وزیر خارجہ بلاول بھٹو زرداری نے کہا ہے کہ جاپان سے سفارتی اور تجارتی تعلقات میں اضافہ چاہتے ہیں، ٹیکنالوجی سیکٹر میں جاپان دنیا میں ایک لیڈر ہے۔
جاپان میں پاکستانی کمیونٹی سے خطاب کرتے ہوئے وزیر خارجہ بلاول بھٹو زرداری نے کہا کہ اوورسیز پاکستانی ملک کا قیمتی اثاثہ ہیں، بیرون ملک مقیم پاکستانی ملک کے سفیر ہیں، اوورسیز پاکستانی باہمی تعلقات کے فروغ کیلئے کردار ادا کریں، چاہتے ہیں جاپان میں مقیم پاکستانی برادری کے مسائل حل ہوں۔
انہوں نے کہا کہ پاکستان کے آئی ٹی سیکٹر میں بھی پوٹینشل ہے، نوجوانوں کو ہنر مند اور باصلاحیت بنانے کیلئے اقدامات کیے جارہے ہیں، آج کل پاکستان میں آم کا سیزن ہے، پوری دنیا میں پاکستانی آم پسند کیا جاتا ہے، چاہتے ہیں پاکستان اور جاپان میں زراعت کے شعبے میں ایکسپورٹ بڑھے۔
سعودی عرب اور امارات پاکستان میں 46 ارب ڈالر کی سرمایہ کاری کریں گے
وزیر خارجہ بلاول بھٹو زرداری نے مزید کہا کہ پاکستان کے آئی ٹی سیکٹر میں بھی پوٹینشل ہے اس سیکٹر میں بھی تعلقات میں اضافہ ہونا چاہیے، پاکستان کی آبادی میں اضافہ ہوتا جا رہا ہے، پاکستان کی 65 فیصد آبادی نوجوانوں پر مشتمل ہے، پاکستان کے نوجوانوں کو روزگار کے مواقع ملنے چاہئیں۔
علاوہ ازیں وزیر خارجہ بلاول بھٹو زرداری سے جاپانی بزنس ایگزیکٹوز جائیکا اور جیٹرو کے نمائندوں نے ملاقات کی اس موقع پر سرمایہ کاری اور تجارت سے متعلق امور پر تبادلہ خیال کیا گیا۔
