گوگل نیوز پر ہمیں فالو کریںجی ٹی روڈ پر ٹیکسلا بائی پاس کے قریب موٹر سائیکل سوار نے ایک کار پر اندھا دھند فائرنگ کردی، جس کے نتیجے میں ایک خاتون ٹک ٹاکر عائشہ گلمینہ جاں بحق ہوگئی ہیں جبکہ ان کی نوعمر بہن شدید زخمی ہوگئی۔ واقعے کی سی سی ٹی وی ویڈیو سامنے آگئی۔
پولیس ذرائع کا حوالہ دیتی ہوئی میڈیا رپورٹس کے مطابق ٹیکسلا کے قریب ایک کار سوار خاتون عائشہ گلمینہ کو دن دہاڑے فائرنگ کرکے قتل کردیا گیا۔ وہ اپنے اہل خانہ کے ہمراہ کار میں سفر کر رہی تھی کہ تقریباً 30 سالہ موٹر سائیکل سوار نے انہیں روک کر فائرنگ شروع کردی۔ گولیوں کی زد میں آکر دونوں بہنیں زخمی ہوگئیں اور کار بے قابو ہو کر ایک ڈمپر سے ٹکرا گئی۔
CCTV footage shows the incident in which famous TikToker Ayesha Gilmena and her driver were killed.
The female TikToker was shot dead by unidentified assailants in Taxila. Police have launched an investigation, while sources say the attackers’ identities and motives remain… pic.twitter.com/uIbvLpGQX5
— Photo News (@PhotoNewsPk) August 15, 2026
موٹر سائیکل سوار مسلح شخص کی فائرنگ سے خاتون ٹک ٹاکر عائشہ گلمینہ موقعے پر جاں بحق ہوگئیں جبکہ زخمی بہن کی حالت نازک بتائی جارہی ہے۔ مقتولہ کی لاش تحصیل ہیڈکوارٹرز اسپتال ٹیکسلا منتقل کردی گئی جبکہ زخمی بہن کو مزید علاج کے لیے اسلام آباد منتقل کیا گیا۔
رپورٹس کے مطابق مقتولہ کا تعلق ہری پور سے تھا اور وہ ایک نجی ہاؤسنگ سوسائٹی میں رہائش پذیر تھیں۔ عائشہ گلمینہ کے بھائی نے ایف آئی آر میں دو افراد کو نامزد کیا ہے اور الزام لگایا ہے کہ رقم کے تنازع کے باعث خاتون کو ٹارگٹ کلنگ کا نشانہ بنایا گیا۔ پولیس نے ملزمان کے خلاف مقدمہ درج کرکے مزید تفتیش شروع کردی ہے۔
