گوگل نیوز پر ہمیں فالو کریںاسلام آباد:ضلعی انتظامیہ کی جانب سے جزوی لاک ڈاؤن کے دوران ڈی سی اسلام آباد کی جانب سے شہر میں نافذ پابندیوں میں توسیع کر دی گئی۔
ڈی سی اسلام آبادحمزہ شفقات کا کہنا ہے کہ شہر میں تمام اسکولز،کالجز، شاپنگ مالز، ریسٹوریٹس اور نجی دفاتر مکمل طور پر بند رہیں گے ۔
نوٹیفییکشن شہر میں وزارتِ داخلہ کے پہلے سے جاری شُدہ احکامات کا تسلسل ہوگا،پبلک آفسز میں صبح 10 بجے سے شام 4 بجے جبکہ جمعہ کو 1 بجے تک کام ہوسکے گا۔
شہر کے اندر بین الاضلاعی اور بین الصوبائی پبلک ٹرانسپورٹ پر مکمل پابندی ہوگی،میٹرو میں مسافروں کو ایک سیٹ کے فاصلے سے بیٹھنا لازمی ہوگا۔
شہر میں ٹیکسی اور کیب سروس معطل نہیں ہوگی جس کے بارے میں قواعد و ضوابط بعد میں جاری کیے جائیں گے ۔
شہر میں کسی بھی قسم کے مذہبی و معاشرتی اجتماعات پر پابندی ہوگی لیکن پناہ گاہیں اور لنگر خانے پابندی سے مستثنیٰ ہونگے ۔
تمام ہسپتالوں میں او پی ڈی سروس معطل جبکہ ایمرجنسی سروس بحال رہے گی،تعمیرات کا کام جاری رہے گا تاہم ورکرذ کے تحفظ کے اقدامات لازمی ہونگے۔
مزید پڑھیں: اسلام آباد میں اشیا خوردونوش کی قیمتیں آسمان چھونے لگیں، انتظامیہ غائب
