را اور این ڈی ایس کا کرتارپور میں دہشتگردی کروانے کا منصوبہ بے نقاب

اسلام آباد: پاکستان کے امن و آشتی کے عمل کو خراب کرنے کیلئے را اور این ڈی ایس کا منصوبہ بے نقاب ہوگیا، پاکستان کی خفیہ ایجنسیوں نے سراغ لگا لیا۔ بھارت کی جانب سے کرتار پور میں دہشت گردی کروانے کا منصوبہ بنایا گیا تھا۔

ہندوتوا کے زیر اثر بھارتی حکومت کی ایک اور چال اورفاشسٹ مودی کے ارادے کھل کر سامنے آگئے، بھارتی وزیراعظم مودی کو سکھ برادری کی خوشی ایک آنکھ نہ بھائی اس لیئے بھارت ہر صورت سکھوں کو محروم رکھنے پر بضد ہے۔

مزید پڑھیں: بھارتی شہریوں کے ساتھ خواتین سیاستدانوں کو بھی ریپ اور قتل کی دھمکیاں

بھارتی سکھ برادری کوپاکستان کی طرف سے فراہم کردہ سہولتوں سے محروم کرنے کیلئے بھارتی حکام سکھوں کو اجازت دینے کے عمل کو مزیدسخت کر رہے ہیں، پاکستان کی سیکورٹی مضبوط ہاتھوں میں ہے، دہشت گردی کا منصوبہ کامیاب نہیں ہوگا۔