انگلش پریمیئر لیگ کے حامی ایک گروپ نے یورپیئن فٹ بال لیگ کی انتظامیہ پر تنقید کرتے ہوئے کہا کہ وہ لیگ میں اصلاحات کے نام پر کھیل کو بدنام کررہے ہیں۔
یاد رہے کہ گزشتہ سال یورپی فٹ بال لیگ نے 12 ٹیموں پر مشتمل یورپئین سپر لیگ منعقد کرانے کا اعلان کیا تھا تاہم اس لیگ کی جووینٹس، ریال میڈرڈ اور بارسلونا کے علاوہ باقی تمام یورپی فٹ بال کلبز نے مخالفت کی تھی۔
مزید برآں یورپی فٹ بال لیگ کی انتظامیہ نے 12 ٹیموں کی یورپئین سپر لیگ کے اعلان کے کچھ عرصے بعد 2024 میں 36 ٹیموں پر مشتمل چمپئینز لیگ کے منصوبے کی بھی نقاب کشائی کی تھی۔
لیگ انتظامیہ کا کہنا تھا کہ توسیع شدہ گروپ مرحلے کے میچوں کی تعداد کو 6 سے بڑھا کر 10 اور اہلیت کے دو مواقع بھی نئی اصلاحات کا حصہ ہیں، تاکہ کلبوں کو مقامی کامیابی کے بجائے تاریخی یورپی کارکردگی کی بنیاد پر حصہ لینے کی اجازت دی جا سکے۔
یہ بھی پڑھیں: فنچ کا بابراعظم او ر ویرات کوہلی کی کور ڈرائیو سے متعلق کیا کہنا ہے؟