اسلام آباد: کورونا وائرس کے خطرے کے پیش نظر وفاقی وزیر طارق بشیر چیمہ نے اثرورسوخ استعمال کرتے ہوئے اہل خانہ کو کورونا ویکسین لگوا دی۔ کورونا ویکسین لگانے والوں میں وفاقی وزیر کی فیملی سمیت اداکارہ عفت عمر بھی شامل تھیں۔
تاہم سوشل میڈیا پر وائرل ہونے والی ویڈیو میں دیکھا جاسکتا ہے کہ وفاقی وزیر طارق بشیر چیمہ کی فیملی کو کورونا سے بچاؤ کی ویکسین کی خوراک فراہم کی جارہی ہے۔ ویڈیو میں دیکھا جاسکتا ہے کہ کورونا ویکسین لگانے والے افراد میں سے کسی کی بھی عمر 60 سال نہیں ہے۔
Family of Federal Minister Tariq Basheer Cheema getting vaccinated out of turn and at their homes. Will @Asad_Umar take notice? Are the rest of Pakistanis children of a lesser god? pic.twitter.com/lEnWmPkLdd
— Adeel Raja (@adeelraja) March 29, 2021
ویڈیو میں دیکھا جاسکتا ہے کہ وفاقی وزیر کی فیملی کے ساتھ اداکارہ عفت عمر کو بھی کورونا ویکسین کا انجیکشن لگایا جارہا ہے۔
نیشنل کمانڈ اینڈ آپریشن سینٹر کے مطابق ملک بھر میں کورونا ویکسین سب سے پہلے کورونا وائرس کے خلاف لڑنے والے فرنٹ لائن ہیلتھ ورکرز اور طبی عملے کو لگائی جانے ہے جس کے بعد ملک بھر میں 60 سال سے زائد عمر کے افراد کو کورونا ویکسین لگائی جارہی ہے۔
وفاقی وزیر ہاؤسنگ و سیکرٹری جنرل پاکستان مسلم لیگ (ق) طارق بشیر چیمہ نے کہا ہے کہ ایک ٹی وی چینل پر چلائی جانے والی ویڈیو میں ہم پر کورونا کی ویکسین لگوانے کیلئے سیاسی اثر و رسوخ استعمال کرنے کا الزام سراسر غلط ہے۔
یہ بھی پڑھیں : سندھ پولیس میں کورونا تیزی سے پھیلنے لگا، 5روز میں 17کیسز سامنے آگئے