وزیراعظم پاکستان عمران خان نے 6ستمبرکویوم دفاع کے ساتھ یوم یکجہتی کشمیرمنانے کافیصلہ کیا ہے ،اس حوالے سے وزیراعظم نے ہدایت کی ہے کہ کل ملک بھرمیں کشمیریوں سے بھرپوراظہاریکجہتی کیاجائےگا۔
وزیراعظم کی زیرصدارت اجلاس ہواجس میں فیصلہ کیاگیاکہ کل یوم دفاع کے ساتھ یوم یکجہتی کشمیرمنایاجائےگا،اس سلسلے میں وزیراعظم کل یوم دفاع کشمیری شہداء کے ساتھ منانے کے لیےمظفرآبادجائیں گےجہاں وہ کشمیری شہداکی یادمیں ہونے والی تقریب میں شرکت کریں گے۔
وزیراعظم نے ہدایت کی کہ صوبائی دارلحکومتوں میں خصوصی تقریبات منعقد کی جائیں جس میں کشمیریوں سے اظہار یکجہتی کیا جائے جب کہ پاکستان بھر کے عوام یوم دفاع پر شہداء کے خاندانوں کے پاس پہنچیں۔
یوم دفاع غیور اور بہادرکشمیریوں سےاظہاریکجہتی کے طور پر منائیں گے۔
کشمیر پاکستان کا دفاعی حصار ہے۔کشمیریوں کے موقف کا دفاع پاکستان کے دفاع کومضبوط کرنے کے مترادف ہے۔
پاکستان کشمیریوں کے ساتھ ڈٹ کر کھڑا ہے، ہر محاذ پر بھارتی مظالم کو بے نقاب کرتے رہیں گے۔ ڈاکٹر فردوس عاشق اعوان pic.twitter.com/tuf4u2B45v— Govt of Pakistan (@pid_gov) September 5, 2019
ملک بھرمیں تمام دفاتر جمعہ کو سہ پہر 3 بجے بند ہوجائیں گے، دفاتر بند کرنے کا مقصد کشمیریوں سے اظہار یکجہتی کرنا اور شہدا کے اہل خانہ سے ملاقات اور یادگاروں کا دورہ کرنا ہے۔
یہ بھی پڑھیں:مقبوضہ کشمیر میں کرفیوکےخاتمے کے لیے ایمنسٹی انڈیا کی مہم شروع
خیال رہے مقبوضہ کشمیرمیں بھارت کی ریاستی دہشتگردی جاری ہے،مقبوضہ وادی میں کرفیو کے باعث کشمیری گھروں میں اسیری کی زندگی گزارنے پر مجبور ہیں۔ کھانے پینے کی اشیااوردوائیں ختم ہونے سے بحران سنگین ہوگیا جبکہ مواصلاتی ذرائع کی بندش سے مقبوضہ وادی کا رابطہ دنیا سے بدستورمنقطع ہے۔
قابض بھارتی فوجی گھرگھرتلاشی کے دوران کشمیری نوجوانوں کوگرفتاراورخواتین سے بدسلوکی کررہے ہیں۔ نیٹ سید علی گیلانی، میرواعظ عمرفاروق،یاسین ملک سمیت حریت رہنما یا توگرفتارہیں یاپھرنظربندہیں۔