اسلام آباد: قومی ایئر لائن (پی آئی اے)انتظامیہ نے طالبان حکومت اور افغان سول ایوی ایشن کے غیر پیشہ ورانہ رویہ کے خلاف افغانستان کے لئے فلائٹ آپریشن بند کرنے پر غور شروع کر دیا۔
ذرائع کے مطابق افغان طالبان حکام کی جانب سے پی آئی اے فلائٹ آپریشن میں مداخلت کی جارہی ہے اور افغان سول ایوی ایشن کی جانب سے تعاون بھی نہیں کیا جارہا، جس کے سبب معاملہ اعلیٰ سطح پر اٹھانے کا فیصلہ کیا ہے۔
جس کے باعث قومی ایئر لائن (پی آئی اے) انتظامیہ کی جانب سے افغانستان کیلئے فلائٹ آپریشن معطل کرنے پر غور بھی کیا جا رہا ہے اور افغانستان کے لئے جاری فلائٹ آپریشن معطلی کا فیصلہ آئندہ چند روز ہوسکتا ہے۔
مزید پڑھیں: سول ایشن کی اجازت کے باوجود قومی ایئر لائن کے مسافر ناشتے اور کھانے سے محروم