ماڈل لینا غنی نے پارک میں ہراسانی کے واقعہ سے پردہ اٹھادیا

لاہور: پاکستانی ماڈل اور میک اپ آرٹسٹ لینا غنی نے حال ہی میں ایک پارک میں ہراساں کیے جانے کے واقعہ کاانکشاف کرتے ہوئے ویڈیو بھی سوشل میڈیا پر شیئر کردی ہے۔

لینا غنی نے اپنی ویڈیو میں بتایا کہ انہوں نے کیسے ہراساں کرنیوالے شخص سے نمٹا،انہوں نے بتایا کہ یہ واقعہ چند روز پہلے پیش آیا ، ان کا کہنا ہے کہ ویڈیو میں دیکھا جاسکتا ہے کہ کیسے ایک شخص دست درازی کررہا ہے۔

What I'm about to share with you is an incident that happened a few weeks ago at Jami-Shireen Park. This is not an isolated event; this violence occurs every day; you will witness this one because there is a video. 1/ pic.twitter.com/0a3Peaudoe

— Leena (@Leena_Ghani) April 22, 2021

انہوں نے لکھا کہ وہ اپنی دوست کے ساتھ لاہور کے پارک میں بیٹھی تھیں کہ ایک شخص نے ہماری تصاویر لینے کی کوشش کی اور جب ہم نے اس کو روکا تواس نے مجھے دھکا دیااور میرے ہاتھ سے میرا فون چھین لیا۔

مزید پڑھیں: کراچی ایئر پورٹ پر لڑکی کو ہراساں کئے جانے کا انکشاف، ایف آئی اے افسر معطل

اس سے قبل لینا غنی نے گلوکار علی ظفر کے خلاف 50 کروڑ روپے ہرجانے کا دعویٰ دائر کیاتھا، درخواست گزار نے دعویٰ کیا ہے کہ علی ظفر نے پہلی مرتبہ 2014 لندن میں پاکستانی فیشن شو کے دوران ہراساں کیا۔

انہوں نے کہا کہ علی ظفر نے جون 2014 میں دو مرتبہ پھر اس طرح نازیبا گفتگو کی، 19 مارچ 2018 کو گلوکارہ میشا شفیع نے بھی علی ظفر پر ہراساں کرنے کے الزامات عائد کیے۔