لاہور :پاکستان مسلم لیگ ن کی مرکزی نائب صدر مریم نواز نے 11 اگست کو قومی احتساب بیورو کے سامنے پیش ہونے کا فیصلہ کیا ہے۔مسلم لیگ ن کے کارکنان مریم نواز کے ساتھ جاتی عمرہ سے نیب آفس جائیں گے۔
نیب نے مریم نواز کو 11 اگست کو طلب کیا ہے،مسلم لیگ (ن) کی قیادت نے قانونی معاملات پر مشاورت کے بعد فیصلہ کیا ہے کہ مریم نواز نیب کے سامنے پیش ہوں گی اور اپنا مؤقف پیش کریں گی۔
مسلم لیگ (ن) کے سینئر رہنماؤں نے پارٹی کارکنوں کو صبح ساڑھے 9 بجے جاتی عمرہ پہنچنے کی ہدایت کی ہے۔
مزید پڑھیں:اپوزیشن لیڈر کی زندگی کو خطرے سے دوچار کرنا شرمناک ہے، مریم نواز