گوگل نیوز پر ہمیں فالو کریںنگراں وزیر خزانہ شمشاد اختر نے ایک بار پھر واضح کیا ہے کہ حکومت کا 5000 روپے کے نوٹ کوبند کرنے کا کوئی منصوبہ نہیں ہے۔
ہفتہ کی شب ایک انٹرویو میں بات کرتے ہوئے وزیر خزانہ نے کہا کہ پاکستان کے معاشی مسائل کا تدارک ایسی اصلاحات میں ہے جس سے سرمایہ کاری کی حوصلہ افزائی ہو۔
انہوں نے مزید کہا کہ 5000 روپے کا نوٹ اس وقت کی حکومت کی درخواست پر اسٹیٹ بینک آف پاکستان کے گورنر کے طور پر ان کے دور میں متعارف کرایا گیا تھا اور وہ اب بھی اسے ایک اچھا قدم سمجھتی ہیں۔
شمشاد اختر نے کہا کہ ہندوستان میں حکومت نے ماضی میں بھی ایسے نوٹ بندی کے منصوبوں پر غور کیا تھا اور ہندوستانی حکومت اکثر اپنے عوام کے سامنے پاکستان کی مثال دیتی ہے۔
وزیر خزانہ نے کہا کہ اگر 5000 روپے کے نوٹ کو چھوٹے مالیت میں تقسیم کیا جائے تو پرنٹنگ اور چھوٹی کرنسی کو سنبھالنے کے معاملات کو سنبھالنا زیادہ خطرناک ہو گا۔
انہوں نے مزید کہا کہ نئی سکیمیں لانی ہوں گی اور سٹاک ایکسچینج کو بہتر کرنا ہو گا۔ انہوں نے کالی معیشت پر لگام لگانے کے لیے ڈیجیٹلائزیشن کو کلیدی اصلاحات قرار دیا۔
انہوں نے کہا کہ روایتی بینک معقول منافع دے رہے ہیں لیکن اسلامی بینک ’موثر‘ منافع نہیں دے رہے۔ انہوں نے کہا کہ اگرچہ یہ اسٹیٹ بینک کا ڈومین تھا۔
