گوگل نیوز پر ہمیں فالو کریںوفاقی دارالحکومت کے پوش سیکٹر ایف سکس میں پارکنگ کے معاملے پر خواتین اور پولیس اہلکاروں کے درمیان تلخ کلامی کی ویڈیو سوشل میڈیا پر سامنے آگئی۔
وائرل ویڈیو میں سیاہ رنگ کی کِیا کارنیوال گاڑی نمبر بی کیو ای-321 کے معاملے پر دو خواتین اور پولیس اہلکاروں کے درمیان بحث ہوتی دکھائی دیتی ہے۔
اسلام اباد، ایف سکس میں پارکنگ پر تنازع، خواتین اور پولیس اہلکاروں کے درمیان شدید لڑائی کے مناظر ۔
قانون کی پاسداری اور شہری رویوں دونوں پر سوال ؟اسلام آباد کے پوش سیکٹر ایف سکس میں غلط پارکنگ پر پیش آنے والا یہ واقعہ کئی سوالات چھوڑ گیا۔
ویڈیو میں بلیک Kia Carnival، نمبر… pic.twitter.com/JkW9hFyJlk— Naveed Satti (@Naveedsatti555) September 23, 2026
ابتدائی اطلاعات کے مطابق گاڑی مبینہ طور پر غلط پارکنگ کے باعث لفٹر کے ذریعے ہٹائی گئی اور خواتین کو مبینہ طور پر 2 ہزار روپے جرمانہ ادا کرنے کے بعد گاڑی واپس کرنے کا کہا گیا تاہم معاملہ طویل بحث اور تلخ کلامی تک پہنچ گیا۔
ویڈیو میں خواتین کو پولیس اہلکاروں سے سخت انداز میں گفتگو کرتے دیکھا جاسکتا ہے جبکہ بعض مقامات پر نازیبا الفاظ کے استعمال کے دعوے بھی سامنے آئے ہیں۔
دوسری جانب پولیس اہلکاروں کی جانب سے جوابی طور پر غیر مناسب زبان استعمال کرنے کا واضح ثبوت ویڈیو میں نظر نہیں آتا۔ واقعے کی مکمل صورتحال اور فریقین کے موقف کی آزادانہ تصدیق تاحال سامنے نہیں آئی۔
