گوگل نیوز پر ہمیں فالو کریںبالی ووڈ اسٹار شاہ رخ خان کی فلم ’جوان‘ ریلیز کے بعد سے ہی باکس آفس پر کامیاب بزنس کررہی ہے۔
7 ستمبر کو ریلیز ہونے والی یہ فلم بھارت میں 400 کروڑ کلب کے قریب پہنچ گئی ہے جبکہ ایکشن تھرلر فلم نے ایک ہفتے کے اندر دنیا بھر میں 600 کروڑ روپے کا ہندسہ عبور کرلیا۔
تجارتی رپورٹس کے مطابق فلم نے 13 ستمبر کو بھارت میں 23.3 کروڑ روپے کا بزنس کیا اور اس طرح فلم نے بھارت سے اب تک 368.38 کروڑ روپے کا بزنس کرلیا ہے۔
جوان کی کہانی ایک ایسے شخص کے گرد گھومتی ہے جو معاشرے میں ہونے والی برائیوں کو دور کرنے کی کوشش کرتا ہے۔ فلم مبینہ طور پر خواتین کے موضوع پر مرکوز ہے۔ یہ فلم ہندی، تامل اور تیلگو سمیت متعدد زبانوں میں ریلیز ہوئی ہے۔
فلم میں شاہ رخ نے باپ اور بیٹے کا دوہرا کردار ادا کیا ہے۔ اس میں نینتھارا ایک نڈر پولیس اہلکار کا کردار ادا کررہی ہیں جبکہ وجے سیتھوپتی نے ولن کا کردار ادا کیا ہے۔
فلم کی کاسٹ میں پریا مانی، سانیا ملہوترا، سنیل گروور، ریدھی ڈوگرا اور دیگر معاون کاسٹ کے طور پر ہیں۔ فلم میں دیپیکا پڈوکون اور سنجے دت نے بھی مختصر کردار ادا کیا ہے۔
