اسلام آباد: وفاقی وزیر ہوابازی غلام سرور خان نے کہا ہے کہ وفاقی حکومت نے عام آدمی کو ریلیف دینے کیلئے عملی اقدامات کا آغاز کر دیا ،اشیاء ضروریہ کی قیمتوں کو کنٹرول میں رکھنے کیلئے مڈل مین کے کردار کو محدود کرنا ہو گا۔
مولانا کے پلان بی سے حکومت کو خطرہ نہیں جس طرح پلان اے فلاپ شو ثابت ہوا اسی طرح پلان بی کیا بلکہ سی بھی فلاپ ہوگا ،ہمیں مینڈیٹ مولانا نے نہیں بلکہ عوام نے دیا ہے۔
مزید پڑھیں : سندھ حکومت مہنگائی کنٹرول کرنے میں ناکام ہوچکی ہے،خرم شیر زمان
بدھ کو میڈیا سے گفتگو میں انہوں نے کہا کہ حکومت نے مہنگائی کے خلاف کمر کس لی اور اس سلسلے مڈل مین کے کردار کو کم کرنے کے لئے عملی اقدامات شروع کیئے جا رہے ہیں، مہنگائی میں کمی کے لیے حکومتی حلقوں کی جانب سے یہ تجویز بھی سامنے آئی ہے کہ مڈل مین کو نکیل ڈالی جائے تا کہ مہنگائی کم ہو سکے۔
ملاوٹ، ذخیرہ اندوزی اور مصنوعی مہنگائی پیدا کرنے والوں کے خلاف بلا امتیاز سخت کارروائی کی جائے گی، ناجائز منافع خوری کی روک تھام کے لیے مڈل مین کے کردار کو قانون کے دائرے میں لایا جائے گا۔
انہوں نے واضح کیا کہ کاشتکاروں اور صارفین کو فائدہ پہنچانے کے لیے ہمیں مڈل مین کے کردار کو کم کرنے کی ضرورت ہے،ہمیں ان عناصر کو بے نقاب کرنا ہے جو گراں فروشی میں ملوث ہیں اور قیمتوں پر منفی طریقے سے اثر انداز ہوتے ہیں۔
یہ بھی پڑھیں : مہنگائی کا جن قابومیں نہ آسکا،مہنگائی کی اوسط شرح 22 فیصد سے تجاوز کر گئی