گوگل نیوز پر ہمیں فالو کریںکراچی: ایس آئی یو ٹی میں قائم شدہ روبوٹک سرجری کے شعبے کے قیام کے ایک سال مکمل ہونے پر دوروزہ سمپوزیم کا انعقاد کیا گیا۔ واضح رہے کہ ایس آئی یو ٹی میں روبوٹ کے ذریعے گردہ، مثانہ، پتھری، کینسر اور معدہ و جگرسے متعلق امراض کے بارہ سو 1200سے زائد کے کامیاب آپریشن کئے جا چکے ہیں۔ اور سمپوزیم کے انعقادکی وجہ میں یہ اہم سنگ میل بھی شامل ہے۔
افتتاحی تقریب میں پاکستان اور دنیا بھر کے سرجنوں کی ایک بڑی تعداد نے شرکت کی۔ اس موقع امریکہ اور برطانیہ کے ممتاز روبوٹک سرجنز نے خطاب کیا۔
امریکہ سے آئے ہوئے ڈاکٹر عرفان رضوی نے روبوٹک سرجری کی ضرورت اور اہمیت کے بارے میں بتایا جبکہ سے امریکہ کے ایک اور ڈاکٹر خورشید گرو نے بتایا کہ نئے آنے والے سرجنز اب براہ راست روبوٹک سرجری کو سیکھ سکتے ہیں۔ اس کے علاوہ انہوں نے مردانہ غدود اور اس کے متعلق دیگر امراض میں روبوٹک سرجری کی اہمیت و کردار پر روشنی ڈالی اور اس مخصوص تکنیک سے آگاہ کیا۔
برطانیہ کے ڈاکٹر مارک سلیک جو کہ روبوٹ بنانے والی کمپنی کے سربراہ ہیں انہوں نے ایس آئی یو ٹی کی خدمات کو سراہا جو جدید ترین سہولیا ت ایک عام آدمی کو مفت و عزت نفس کے ساتھ مہیا کر رہا ہے۔انہوں نے روبوٹک سرجری کے ارتقا اور اس کے مختلف تکنیک، اور طب کے مختلف شعبوں میں اس کے کردار کے بار ے میں بتایا۔
ایس آئی یو ٹی کے ڈاکٹر بابر حسن نے جدید ترین سائنسی ایجادات کے ذرائع جو کہ صحت کے شعبے میں زیادہ تر آرٹیفیشل انٹیلی جنس (مصنوعی ذہانت) پر مشتمل ہے کے بارے میں تجربات پر روشنی ڈالی۔جس میں مختلف عالمی اداروں کے تعاون سے پاکستانی آبادی میں ان ذرائع کا استعمال اور اس کے دور رس نتائج کے بارے میں آگاہ کیا گیا۔
ڈاکٹر ادیب رضوی ڈائریکٹر ایس آئی یو ٹی نے ایک سیشن کے دوران خطاب کرتے ہوئے اپنے خیالات کا اظہار کیا۔ انہوں نے ایس آئی یوٹی کے سرجنز کی تعریف کی۔
جنہوں نے اپنی قابلیت اور لگن سے روبوٹک سرجری کو کامیابی سے ہمکنار کیا اور وہ اس ہنر کو دوسرے ڈاکٹروں کو سکھانے کے لئے بھی کوشاں ہیں۔ انہوں نے اس بات کا اعادہ کیا کہ ایس آئی یو ٹی ہمیشہ کی طرح اپنے مریضوں کو جدید ترین علاج مفت اور عزت نفس کے ساتھ فراہم کرتا رہے گا۔
اس موقع پر ایس آئی یو ٹی کے دیگر طبی ماہرین نے بھی خطاب کیا۔ڈاکٹر اسد شہزاد نے نئے سرجنز کو عملی تربیت کیلئے اسکل لیب کے بارے میں آگاہ کیا۔ اور ڈاکٹر ریحان محسن جو کہ روبوٹک سرجری کے سربراہ ہیں انہوں نے ایس آئی یو ٹی میں روبوٹک سرجیکل سینٹر کے قیام اور اس کی اب تک کی کارکردگی اور ان کے نتائج سے آگاہ کیا۔
مزید پڑھیں:گزشتہ 24 گھنٹوں کے دوران کورونا کے 68 نئے کیسز رپورٹ
ڈاکٹر ارسلان نے امراض معدہ و جگرکے حوالے سے روبوٹک سرجری پر روشنی ڈالی۔ تقریب کے دیگر مقررین میں ڈاکٹر ریاض لغاری، ڈاکٹر شاداب خان اور جنید خان شامل ہیں۔
