گوگل نیوز پر ہمیں فالو کریںلاہور: وزیرِ اعلیٰ پنجاب کی معاونِ خصوصی اطلاعات فردوس عاشق اعوان نے کہا ہے کہ پنجاب میں 6 سیاحتی مقامات پر سڑکیں بہتر باننے کے منصوبے کا سنگِ بنیاد رکھ دیا گیا ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی ڈاکٹر فردوس عاشق اعوان نے کہا کہ وزیرِاعلیٰ پنجاب کی خصوصی کاوشوں سے پنجاب حکومت نے صوبے میں سیاحت کے فروغ کا اہم منصوبہ شروع کیا ہے۔
پیغام میں ڈاکٹر فردوس عاشق اعوان نے کہا کہ سیاحت کے اہم منصوبے ٹور ازم فار اکنامک گروتھ پراجیکٹ کا آغاز کرتے ہوئے صوبے کے 6 سیاحتی مقامات پر روڈ انفراسٹرکچر بہتر بنانے کے منصوبے کا سنگِ بنیاد رکھا گیا ہے۔
#حسین_درخشاں_ترقی_یافتہ_پنجاب_ہم_سب_کا_خواب
*وزیراعلیٰ پنجاب عثمان بزدار کی خصوصی کاوشوں سے پنجاب حکومت نے صوبے میں سیاحت کے فروغ کے اہم منصوبے "ٹورزم فار اکنامک گروتھ پراجیکٹ" کا آغاز کرتے ہوئے 6سیاحتی مقامات پر روڈ انفراسٹرکچر بہتر بنانے کے منصوبے کا سنگ بنیاد رکھ دیا؛*— Dr. Firdous Ashiq Awan (@Dr_FirdousAwan) December 19, 2020
معاونِ خصوصی فردوس عاشق اعوان نے کہا کہ پہلے مرحلے میں کوٹلی ستیاں، چکوال، جہلم، سون ویلی، میانوالی، اٹک، فورٹ منرو اور کوہِ سلیمان میں نئے سیاحتی مراکز متعارف کرائے جائیں گے۔
ڈاکٹر فردوس عاشق اعوان نے کہا کہ سیاحتی مراکز متعارف کرانے سے پنجاب کا قدرتی حسن، قدیم تہذیب اور ثقافتی ورثہ دنیا بھر میں اجاگر کرنے میں مدد ملے گی جس کیلئے وزیرِ اعلیٰ پنجاب نے خصوصی کاوشیں کیں۔
#حسین_درخشاں_ترقی_یافتہ_پنجاب_ہم_سب_کا_خواب
پہلے مرحلے میں کوٹلی ستیاں، چکوال، جہلم، سون ویلی، میانوالی، اٹک، فورٹ منرو اور کوہِ سلیمان میں نئے سیاحتی مراکز متعارف کرائے جائینگے۔جس سےپنجاب کا قدرتی حسن قدیم تہزیب اور ثقافتی ورثہ کو دنیا بھر میں متعارف اجاگر کرنے میں مدد ملے گی۔— Dr. Firdous Ashiq Awan (@Dr_FirdousAwan) December 19, 2020
یہ بھی پڑھیں: سیاحت کی ترقی کیلئے منصوبہ بندی سے کام جاری ہے،صدر آزاد کشمیر
