وفاقی وزیر سائنس و ٹیکنالوجی فواد چوہدری نے حزبِ اختلاف کی سیاسی جماعتوں سے مطالبہ کیا ہے کہ وہ ڈپٹی اسپیکر قومی اسمبلی قاسم سوری کے خلاف تحریک عدم اعتماد واپس لیں۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ ہر دو ماہ بعد اپوزیشن رہنما ایسا اقدام اٹھاتے ہیں جو سیاسی محاذ پر تلخیاں پیدا کرنے کا باعث بنتا ہے۔
یہ بھی پڑھیں: سابق صدر آصف زرداری اور فریال تالپور کے جوڈیشل ریمانڈ میں 26 نومبر تک توسیع
وزیر سائنس و ٹیکنالوجی فواد چوہدری نے کہا کہ اپنے اقدام میں ناکامی پر اپوزیشن کے سیاسی رہنما قومی اداروں کے خلاف مہم جوئی شروع کردیتے ہیں جو ایک نامناسب رویہ ہے۔
اپوزیشن ڈپٹی اسپیکر قومی اسمبلی قاسم سوری کیخلاف تحریک عدم اعتماد واپس لے ، ہر دو ماہ بعد آپ ایک ایسا اقدام لیتے ہیں جس سے سیاسی تلخی میں اضافہ ہوتا ہے اور جب آپ ناکام ہوتے ہیں تو اداروں کیخلاف مہم جوئ شروع کر دیتے ہیں یہ مناسب رویہ نہیں۔
— Ch Fawad Hussain (@fawadchaudhry) November 12, 2019
یاد رہے کہ اس سے قبل وفاقی وزیر برائے سائنس و ٹیکنالوجی فواد چوہدری نے کہا کہ بھارتی سپریم کورٹ کا فیصلہ غیر قانونی اور شرمناک ہے جبکہ بھارتی عدالتِ عظمیٰ نے بابری مسجد کی جگہ مندر کی تعمیر کا حکم دیا تھا۔
ٹوئٹر پر 3 روز قبل وفاقی وزیر سائنس و ٹیکنالوجی فواد چوہدری نے بھارتی عدالتِ عظمیٰ کے فیصلے کی خبر شیئر کرتے ہوئے اپنے پیغام میں اسے غیر آئینی اور غیر اخلاقی قرار دیا۔
مزید پڑھیں: بھارتی سپریم کورٹ کا فیصلہ غیر قانونی اور شرمناک ہے۔وزیر سائنس و ٹیکنالوجی