گوگل نیوز پر ہمیں فالو کریںکراچی: گلوکار فلک شبیر کی جانب سے اپنی ننھی پری کے کان میں اذان دینے کی ویڈیو سوشل میڈیا پر وائرل ہو رہی ہے۔ اداکارہ سارہ خان اور گلوکار فلک شبیر کے ہاں بیٹی کی پیدائش ہوئی تھی۔
پاکستان شوبز انڈسٹری کی معروف جوڑی اداکارہ سارہ خان اور گلوکار فلک شبیر کے گھر پر ننھی پری کی پیدائش گذشتہ روز ہوئی تھی۔
وائرل ویڈیو میں دیکھا جاسکتا ہے کہ گلوکار فلک شبیر نے اپنی نومولود بیٹی کو گود میں اٹھا رکھا ہے اور اذان دے رہے ہیں۔ اداکارہ سارہ خان نے فلک شبیر کی اذان دینے کی ویڈیو کو سماجی رابطے کی ویب سائٹ انسٹاگرام پر شیئر کیا ہے جسے لاکھوں کی جانب سے پسند کیا جارہا ہے اور بچی کے لیے نیک خواہشات کا بھی سلسلہ جاری ہے۔
View this post on Instagram
اس سے قبل فلک شبیر نے مداحوں کو ربیع الاول کے چاند کی مبارک دیتے ہوئے لکھا تھا کہ ’آج اس بابرکت دن کے موقع پر اللّہ تعالیٰ نے ہمیں اپنی رحمت سے نوازا ہے۔‘
اداکارہ نے دو گھنٹے قبل پوسٹ شیئر کی جسے لاکھوں صارفین کی جانب سے سراہا جارہا ہے اور ننھی پری کو دعائیں دی جارہی ہیں۔
View this post on Instagram
اُنہوں نے اپنے مداحوں کی دُعاؤں اور محبت کے لیے اُن کا بھی شکریہ ادا کیا۔
یاد رہے کہ رواں برس جون میں سارہ خان نے اپنے ہاں ننھے مہمان کی جلد آمد متوقع ہونے کی خوشخبری سُنائی تھی۔
یہ بھی پڑھیں : ایف آئی اے اسلام آباد سرکل کی کارروائی، امیگریشن فراڈ میں ملوث ایک ملزم گرفتار
