گوگل نیوز پر ہمیں فالو کریںعالمی مارکیٹ میں منگل کے روز خام تیل کی قیمتیں گزشتہ سیشن کی بڑی کمی کے بعد تقریباً مستحکم رہیں۔ سرمایہ کار اب ایران کے خلاف امریکا کی جانب سے سخت کی جانے والی ثانوی پابندیوں کے ممکنہ اثرات کو پرکھ رہے ہیں جبکہ خطے میں تیل کی سپلائی اور بحری راستوں کو لاحق خطرات بھی مارکیٹ کے لیے اہم سوال بنے ہوئے ہیں۔
تازہ مارکیٹ اعداد و شمار کے مطابق 0104 جی ایم ٹی تک برینٹ کروڈ کے ستمبر کنٹریکٹس میں 9 سینٹ یعنی 0.1 فیصد کمی ہوئی اور قیمت 92.16 ڈالر فی بیرل ہوگئی۔ اس کے برعکس امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل ایک سینٹ اضافے کے ساتھ 85.02 ڈالر فی بیرل پر پہنچ گیا۔
اس سے ایک روز قبل یعنی پیر کو دونوں بینچ مارک معاہدوں کی قیمتوں میں 2 فیصد سے زیادہ کمی ریکارڈ ہوئی تھی۔ امریکی خام تیل کی قیمت بھی ایک ہفتے کی کم ترین سطح پر آگئی جس کی ایک بڑی وجہ گزشتہ دو ہفتوں میں قیمتوں کے مسلسل اضافے کے بعد سرمایہ کاروں کی جانب سے منافع حاصل کرنا بتایا گیا ہے۔
