گوگل نیوز پر ہمیں فالو کریںسوشل میڈیا پر ایک افغان شہری کی ویڈیو تیزی سے گردش کر رہی ہے جو پاکستان سے اپنے وطن واپس جانے کے بعد اپنی موجودہ زندگی کے حوالے سے قلبی کیفیات اور ذہنی کشمکش کو انتہائی جذباتی انداز میں دنیا کے سامنے بیان کر رہا ہے۔
ویڈیو میں دیکھا اور سنا جا سکتا ہے کہ یہ افغان شہری اس حقیقت کا برملا اعتراف کرتا ہے کہ اس کا وطن قدرتی وسائل، نایاب اور شیریں پھلوں اور قدرت کی بے شمار نعمتوں سے مالا مال ہے مگر اس کے باوجود وہاں کا ماحول اور زمینی حقائق کچھ ایسے ہیں کہ انسان کا دل وہاں ٹک نہیں پاتا۔
اس کے مطابق لاکھوں نعمتوں کے درمیان بھی اسے وہ باطنی سکون اور زندگی کا حقیقی اطمینان حاصل نہیں ہو رہا جس کی تلاش ہر انسان کی بنیادی فطرت ہے۔
سوشل میڈیا پر ایک افغان شہری کی ویڈیو تیزی سے وائرل ہو رہی ہے، جو پاکستان سے واپس افغانستان گیا ہے ویڈیو میں وہ کہتا ہے کہ اگرچہ افغانستان میں ہر قسم کے پھل اور قدرتی نعمتیں موجود ہیں، مگر اس کے باوجود وہاں دل نہیں لگتا، نہ سکون میسر ہے اور نہ ہی زندگی میں اطمینان محسوس ہوتا ہے… pic.twitter.com/BbgvH85tVl
— Muzamil (@muzamil_45) July 27, 2026
افغان شہر نے اس نے اس تلخ حقیقت کا بھی پردہ فاش کیا کہ آج بھی افغانستان میں ایک بڑی آبادی انتہائی کسمپرسی، شدید مشکلات اور تنگ دستی کی زندگی گزارنے پر مجبور ہے۔ یہی وہ بنیادی وجہ ہے کہ اسے پاکستان میں گزارا گیا ایک پل بار بار شدت سے یاد آتا ہے اور وہ چاہ کر بھی ان گزرے ہوئے دنوں کو اپنے ذہن سے محفل نہیں پا رہا۔
اس وائرل ویڈیو نے جہاں ایک طرف انٹرنیٹ صارفین کی بھرپور توجہ اپنی جانب مبذول کروائی ہے وہیں دوسری طرف اس پر تبصروں کا تانتا بھی بندھ چکا ہے۔ مختلف صارفین اس ویڈیو پر اپنے جذبات کا اظہار کرتے ہوئے طرح طرح کے خیالات اور آرا کا تبادلہ کر رہے ہیں۔
