فلسطینی نژاد معروف امریکی ماڈل جی جی حدید نے دھمکیاں ملنے کے بعد اسرائیل کے خلاف کی گئی پوسٹ ڈیلیٹ کردی۔
سوشل میڈیا پر ایک پوسٹ شیئر کرتے ہوئے انہوں نے اسرائیل کو دنیا کا ”واحد ملک“ قرار دیا تھا جو بچوں کو جنگی قیدی بناتا ہے۔
فلسطینی نژاد معروف امریکی ماڈل جی جی حدید نے اسرائیل پر سال ہا سال سے فلسطینیوں کے اغوا، زیادتی، قتل، تشدد کا الزام بھی عائد کیا تھا۔
اُن کی جانب سے یہ پوسٹ شیئر کئے جانے کے بعد اسرائیل کے حامی بھڑک اٹھے تھے اور انہوں نے جی جی حدید کو دھمکیاں دینا شروع کردی تھیں، صیہونی گروپوں نے ماڈل کو جھوٹا اور یہود دشمن قرار دیا۔
فلسطینی نژاد معروف امریکی ماڈل جی جی نے مسلسل دھمکیاں ملنے کے بعد آخر اسرائیل مخالف پوسٹ کو حذف کردیا ہے۔