پاکستان شوبز انڈسٹری کی معروف اداکارہ سجل علی کی جانب سے بھی پاک فوج کے سابق افسر عادل راجہ کے سنگین الزامات پر رد عمل سامنے آیا ہے۔ سجل علی نے عادل راجہ کو مخاطب کرتے ہوئے کہا کہ کردار کشی انسانیت کی بدترین شکل اورگناہ ہے۔
اپنے ویلاگ میں عادل راجہ کا کہنا تھا کہ عرفان ستی اور رحمت نامی افسران خفیہ ادارے کے سیو ہاوسز میں پاکستان کی ٹاپ ماڈلز اور اداکارائیں مہیا کرتے تھے۔
عادل راجہ نے الزام لگاتے ہوئے کہا کہ ان ماڈلز کے نام کے شروع میں ایم ایچ، ایم کے، کے کے اور ایس اے آتے ہیں اور یہ ماڈلز جنرل فیض اور جنرل باجوہ سے رابطے میں تھیں۔ اس کے علاوہ عرفان ستی بہت سے سیاستدانوں کی بھی ویڈیوز بنا تا تھا۔
It is very sad that our country is becoming morally debased and ugly; character assassination is the worst form of humanity and sin.
— Sajal Ali (@Iamsajalali) January 2, 2023
سجل علی نے اس وی لاگ کے جواب میں ٹوئٹ کرتے ہوئے کہا کہ یہ بہت ہی زیادہ تکلیف دہ اور ہمارے معاشرے کی بدصورتی ہے کہ یہاں اخلاقیات کو نظر انداز کرکے دوسروں کی کردار کشی کی جاتی ہے، جو کہ انسانیت کی بدترین شکل اور گناہ ہے۔
مزید پڑھیں:ہنی ٹریپ کا الزام، کبریٰ خان کا الزامات پر ہتک عزت کا مقدمہ کرنے کا اعلان
واضح رہے کہ عادل راجہ کی ویڈیو کے مختلف کلپ سوشل میڈیا پلیٹ فارم پر بھی گردش کررہے ہیں۔جبکہ سوشل میڈیا صارفین کی جانب سے بھی ملے جلے رد عمل کا اظہار کیا جارہا ہے۔